भानु जोशी शनिबार, आश्विन १०, २०७७

दाङ । देउखुरीको लमहीमा आज शनिवार ११ जनामा कोरोना पुष्टि भएको छ । संक्रमण पुष्टि हुनेमा लमहीको नेत्रलाल स्मृति भवनको क्वारेन्टिनमा बसेका ६ जना र लमही नगरपालिका वडा नम्बर ७ स्थित सम्राट सिमेन्ट कम्पनीका ५ जना कामदार रहेको लमही नगरपालिकाका स्वास्थ्य शाखा प्रमुख लोकराज पौडेलले बताउनु भएको छ ।

संक्रमित हुनेमा लमही नगरपालिका वडा नम्बर १ का एक जना पुरुष, वडा नम्बर ३ का एक जना महिला र दुई जना पुरुष, वडा नम्बर ६ का दुई जना महिला रहेका छन । ६ दिन अघि भारत बाट सम्राट सिमेन्ट कम्पनीमा काम गर्न आएका भारतीय कामदारमा कोरोना पुष्टि भएको हो ।

त्यस्तै नेत्रलाल स्मृति प्रतिष्ठानमा बसेकाहरु पनि केहि दिन अघि कामको सिलसिलामा भारत गएर फर्किएका हुन । कोरोना संक्रमित हुनेहरु दुई वर्ष देखि लिएर पचास वर्षका रहेको स्वास्थ्य शाखा प्रमुख पौडेलले जानकारी दिनु भयो । अहिले सम्म लमही नगरपालिकामा ६७ जनामा कोरोना पुष्टि भएको छ भने ३८ जना निको भएर घर फर्की सकेका छन । सक्रिय संक्रमितको संख्या २९ जना रहेको छ । भारतबाट काम गरि फर्कीएकाहरु सुनडबरी सम्म गाडी रिजर्भ गरेर आएका थिए भने त्यहाँबाट लमही आउदा अन्य गाडी प्रयोग गरेर आएको खुल्न आएको छ ।

हाम्रो टिम

संचालक : मेगमन बुढा मगर
सम्पादक: कृष्णे घर्ती मगर
निर्देशक: भानु जोशी
जिल्ला ब्युरो: टेकबहादुर पुन
वरिष्ठ सम्बादाताहरु: शिवराज पन्थी,जयप्रकाश पौडेल
सम्बादाताहरु: शिवराज खनाल,टोपेन्द्र खनाल,श्रावण बस्नेत

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]