दाङ । देउखुरीको राप्ती गाउँपालिका वडा नम्बर २ बराखुट्टीमा संचालन रहेको फुटबल प्रतियोगिताको आज सेमी फाइनल खेल हुँदै छ ।
एकता नगर फुटबल क्लब बराखुट्टीले फाल्गुन १९ गतेबाट सञ्चालन गरेको १७ वर्ष मुनिका खुल्ला फुटबल प्रतियोगिता अन्तर्गत आयोजक टिम ‘बि’ र घण्टादेब फुटबल क्लब मसुरिया बीच आज सेमिफाइनल खेल एकता नगर फुटबल क्लबको खेल मैदान बराहाखुट्टीमा भइरहेको आयोजकले जानकारी दिएको छ ।
पहिलो हाफमा घण्टादेब फुटबल टिमले आयोजक टिम ” विरुद्ध २ गोल गरेको छ । उक्त खेलमा प्रथम टिमलाई १५ के.जी ब्वाइलर कुखुरा,मेडल,प्रमाणपत्र र दोस्रो टिमलाई ७.५ के.जी ब्वाइलर र वेष्ट प्ल्येरलाई जर्सी,बेस्ट कीपरलाई ग्लभ्स र बेस्ट स्कोररलाई फुटबल कीट पुरस्कार उपलव्ध गराउने आयोजक टिमले जानकारी दिएको हो ।
त्यस्तै आयोजक टिमको क्याप्टेन सागर क्षेत्री र घण्टादेव क्लब मसुरियाका क्याप्टेन लाल बहादुर घर्ती मगर रहेको उक्त खेलको जानकारी रेफ्री खेम बहादुर कुमालले सीधा-पत्र डटकमलाई जानकारी दिनु भयो