Jmg

Rms

Rgs

mbd

tvs

apb

दाङ ।  देउखुरीमा पहिलोपटक सर्पदंशकाे उपचार पश्चात् दुईजना सर्पले डसेका विरामी निकाे भइ घर फर्किएका छन् । दाङ-देउखुरी सर्पदंश उपचार केन्द्र गढवामा  पहिलोपटक, एकै दिन सर्पले डसेका गढवा गाउँपालिका वडा नम्बर ६ रामपुर निवासी ८० वर्षिय तुल्ला जोगि (मुसलमान) काे औलामा र गढवा गाउँपालिका वडा नम्बर ५ चैनपुर निवासी ८ वर्षिय बालक रामकृष्ण पौडेलकाे खुट्टाको गोलि- गाठोमा सर्पले डसेपछि उपचारको लागि बुधबार गढवाकाे सर्पदंश उपचार केन्द्रमा ल्याइएको  थियोे ।

उनिहरू दुबैजना सफल उपचारपछि डिस्चार्ज गरिएकाे देउखुरी सर्पदंश उपचार केन्द्र गढवाका व्यवस्थापक जिवराज शर्माले जानकारी दिनु भयो । उहाँका अनुसार यस भन्दा पहिला सर्पले डसेका विरामीहरू कपिलवस्तुकाे गाेरूसिंगे, समशेरगंजमा  उपचार गराउदै आएका थिए । अहिले दाङ-देउखुरी सर्पदंश उपचार केन्द्र गढवामा भएपछि,नजिकै उपचार  गर्नेे र बाहिर जानुपर्ने बाध्यता अन्त्य भएको उहाँको भनाइ छ ।