Rgs

Rms

mbd

Jmg

apb

tvs

सल्यान । कपुरकोट गाउँपालिकाको एक स्वास्थ्य चौकीमा कार्यरत एक जना स्वास्थ्यकर्मीमा कोरोना संक्रमण देखिएपछि सिल गरिएको कपुरकोट बजार क्षेत्र सोमबार दिउँसोदेखि खुलाइएको छ । गाउँपालिका र सरोकारवालाहरुसँग आज विहान भएको छलफलबाट सोमवार १२ बजेदेखि सिल हटाउने निर्णय गरेको हो ।

सिल खुल्ला भए संगै कपुरकोट गाउँ कार्यपालिकाको कार्यालय,३ नं वडा कार्यालय,तरकारी बजार तथा कपुरकोट बजार क्षेत्रका सम्पूर्ण सरकारी तथा गैरसरकारी कार्यालय, बैंक,वित्तीय संस्थाले सेवा सुचारु गरेका छन् । सरोकारवाला र गाउँपालिकाको परामर्शमा सिल हटाइएकाले अब पहिले जस्तै आफ्ना काम सुचारु गर्न सबैलाई गाउँपालिकाका अध्यक्ष भिमबहादुर सेनले आग्रह गर्नु भएको छ । स्वास्थ्यकर्मीलाई कोरोना देखिएपछि समुदायमा कोरोना फैलिन नदिनका लागि भदौ १८ गते कपुरकोट बजार क्षेत्र सिल गरिएको थियो ।