Rgs

Jmg

mbd

Rms

apb

tvs

दाङ । देउखुरीकाे राप्ती नदीमा एक बेबारिसे महिलाकाे शब फेला परेकाे छ । राप्ती गाउँपालिका वडा नम्बर २ काे राप्ती नदी कटाहाघाटमा अन्दाजी ४०/४५ बर्षकाे एक महिलाकाे शब फेला परेकाे हाे । बुधबार बिहान करिब ८ बजे स्थानीय गाउँलेहरू राप्ती नदीको किनारमा दाउरा बटुल्न गएका बेला नदी किनारमा तैरिरहेकाे अवस्थामा उक्त शब देखेपछि प्रहरीलाई खबर गरेका थिए । हरियाे बलाउज,निलाे रंगकाे पेटिकाेटकाे इजारा र निधारमा समान्य चाेट लागेकाे मंगाेलियन तथा पहाडिमुलकाे जस्ताे देखिने शब फेला परेको ईलाका प्रहरी कार्यालय भालुवाङका प्रहरी प्रमुख गंगाबहादुर सारूले जानकारी दिनु भएको छ ।

शब कुन ठाउँबाट कसरी आईपुग्याे भन्ने बिषयमा अनुसन्धान भईरहेकाे प्रहरी निरीक्षक सारूले जानकारी दिनु भयो । शबकाे अहिले सम्म सनाखत हुन नसकेकाे राप्ती गाउँपालिका वडा नम्बर २ का वडाध्यक्ष जगतबहादुर थापाले जानकारी दिनु भएको छ । उक्त शबलाई लमही अस्पतालकाे शब गृहमा पठाई सकिएकाे प्रहरीले बताएकाे छ ।