Jmg

Rgs

mbd

Rms

apb

tvs

दाङ। देउखुरीको गढवा गाउँपालिका वडा नम्बर ७ चन्दनपुर निवासी २६ बर्षिय सुरज नारायण चौधरीको मोटरसाइकल दुर्घटनामा परेर ज्यान गएको छ भने सोही गाउँ निवासी बर्ष २७ का मनोज चौधरी बेपत्ता भएका छन । उनिहरु लु ५७ प ८८ ०० नम्बरको मोटरसाइकलमा सवार रहेका थिए । हिज राती एघार बजे राति लमही देखि गढवा जाँदै गर्दा बलामपुर नजिक सानो राप्ती नदिको पुलमा मोटरसाइकल ठक्कर खाएर दुबै जना नदिमा खसेको प्रहरीले बताएको हो ।

राती अबेर भएका कारण बेपत्ता भएका मनोजको खोजी कार्यमा समस्या आएको र आज आइतबार बिहानै देखि उनकोखोजी कार्य भैरहेको वडा प्रहरी कार्यालय लमहीका प्रहरी निरीक्षक प्रज्वल थपलियाले बताउनु भएको छ । गएराती लमही देखि गढवा तर्फ जाँदै गर्दा बलमपुर स्थित सानो राप्ती नदिको पुलमा ठोक्किएर दुबै जना तल खसेका थिए,जस मध्य मोटरसाइकल चालक सुरजको मृत्यु भैसकेको छ । उनको टाउकोमा गहिरो चोट लागेको छ । सुरजको शब प्रहरीले हिज शनिवार राती नै फेला पारेको र शबलाई पोष्टमार्टमका लागि लमही अस्पताल लगिएको छ । उनी सङ्गै सवार मनोजको अझै सम्म अवस्था अज्ञात छ । घटनास्थलमा अहिले खोजी कार्यका लागि सशस्त्र प्रहरीका गोताखोर टोलि खटिएको छ ।