भानु जोशी शनिबार, साउन ३१, २०७७

दाङ। देउखुरीमा रहेको लमही नगर बिकास समितिद्वारा निर्मित एक नम्बर स्टलमा संचालित एक  होटल शनिबारदेखि सिल गरिएको छ। पुर्वको दुई नम्बर प्रदेश सिरहाबाट पश्चिम तर्फ जान लागेको बसका यात्रीहरुलाई होटलमा खाना खुवाए पछि सिल गरिएको हो । सिरहा जिल्लाबाट दाङको चाउखोला जान लागेका २८ जना सडक पिच गर्ने मजदुरलाई होटल संचालकले होटलमा खाना खुवाएकोले होटेल सिल गरिएको बताइएको छ ।

सिरहाबाट चाउखोला जाने मजदुरहरुलाई पिसिआर टेष्ट नगरी स्वास्थ्य सुरक्षा नअप्नाई ल्याइएका मजदुरहरुबाट समुदायमा कोरोना फैलिन नदिन होटेल सिल गरिएको हो । होटल संचालक  र चालकलाई ५ नम्बर वडाको क्वारेन्टाइनमा राख्ने तयारी गरिएकोछ भने २८ जना मजदुरहरुलाई ९ नम्बर वडाको क्वारेन्टाइनमा राख्ने गरि चाउखोला पठाईएको जनाइएको छ । लमही नगरपालिका ५ नम्बर वडा सदस्य कुमार भट्टराईको अगुवाईमा शनिबार स्थानीय दलका नेता,स्थानीय जनप्रतिनिधि,दाङ देउखुरी होटेल ब्यबसायी समिति लमहीका अध्यक्ष हेमन्त पाण्डे,वडा प्रहरी कार्यालय लगायतको उपस्थितमा होटल सिल गरिएको सदस्य भट्टराईले जानकारी दिनु भएको हो ।

हाम्रो टिम

संचालक : मेगमन बुढा मगर
सम्पादक: कृष्णे घर्ती मगर
निर्देशक: भानु जोशी
जिल्ला ब्युरो: टेकबहादुर पुन
वरिष्ठ सम्बादाताहरु: शिवराज पन्थी,जयप्रकाश पौडेल
सम्बादाताहरु: शिवराज खनाल,टोपेन्द्र खनाल,श्रावण बस्नेत

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]