काठमाडौं । नेपाली काङ्ग्रेसका युवा नेता अनुराग खड्का नेपाल तरुणदलको केन्द्रीय विभाग सदस्यमा आइतबार मनोनीत चयन हुनु भएको छ । खड्कालाई नेपाली काङ्ग्रेस पार्टीका केन्द्रीय सभापति शेरबहादुर देउवाले दलको केन्द्रीय विभागको सदस्यमा मनोनीत चयन गर्नु भएको हो । युवा नेता खड्का पुर्व गृहमन्त्री तथा नेपाली काङ्ग्रेस पार्टीका प्रभावशाली नेता खुमबहादुर खड्काका छोरा हुनुहुन्छ । काङ्ग्रेस केन्द्रीय सदस्य शंकर भण्डारी संयोजक रहेको तरुणदल विभाग यस अघि नै विस्तार भएको थियो भने आइतबार पुन: केही सदस्य थप गरिएको हो ।
आफ्नो बुवाको मृत्यु पछि अनुरागले राजनीतिमा चासो दिदै आउनु भएको छ । दाङ निर्वाचन क्षेत्र नम्बर १ मा अनुरागले स्थानीय संग प्रत्यक्ष भेटघाट पनि गर्दै आउनु भएको छ । देशको समसामयिक राजनीतिलाई नजिकबाट नियाल्दै छु, राजनीतिमा बुवाले गर्न बाकी रहेका कामहरुलाई मैले निरन्तरता दिने छु अनुरागले सिधापत्र संग भन्नु भयो ।