mbd

nakb

Rms

Rgs

mmsb

Jmg

apb

tvs

दाङ । देउखुरीमा पेट बाहिर आन्द्रा निस्किएको बच्चाको जन्म भएको छ । राजपुर गाउँपालिका-३ स्थित बेला स्वास्थ्य चौकीमा १८ बर्षिया अन्तिमा परियारले पहिलो सन्तानको रुपमा जन्माएको शिशुको आन्द्रा पेट बाहिर निस्किएको र थप उपचारको लागि सुविधा सम्पन्न अस्पतालमा रेफर गरिएको थियो । तर, आर्थिक अवस्था कमजोर भएका कारण अस्पताल नलगी घर लगेको बेला स्वास्थ्य चौकीकी अनमी नन्दा केसीले बताउनुभयो ।

‘जन्मजात पेट बाहिर आन्द्रा निस्किएको भेटियो । राम्रो अस्पतालमा पुर्‍याउन पाए बच्चालाई बचाउन सकिन्छ । अस्पताल लैजान भन्यौँ तर, घरकाले बाँच्दैन भनेर घर लैजानु भयो’ केसीले भन्नुभयो ‘लमही सम्म हाम्रो जोडबलले लैजानु भयो ।

त्यहाँबाट काठमाडौं लैजान सल्लाह दिए । पैसा छैन भनेर घर फर्काउनु भयो ।’प्रसुती हुँदा आमा र बच्चा दुवैको स्वास्थ्य ठिक रहेको स्वास्थ्य चौकीले बताएको छ ।