दाङ । दाङमा ६७ वर्षिया वृद्धालाई जबरजस्ती करणी गरेको आरोपमा एक जना पक्राउ परेका छन् । पक्राउ पर्नेमा लमही नगरपालिका ६ मध्यनगर निवासी २९ वर्षिय बलबहादुर चौधरी रहेको जिल्ला प्रहरी कार्यालय दाङका प्रहरी नायव उपरीक्षक मुकुन्दप्रसाद रिजालले जानकारी दिनुभएको छ ।

डिएसपी रिजालका अनुसार लमही नगरपालिका – ६ मध्यनगर निवासी ६७ वर्षिया वृद्धा घरमा एक्लै भएको अवस्थामा पटक पटक जबरजस्ती करणी गर्दै आएका थिए । वृद्धाले आफूलाई जबरजस्ती करणी गर्ने व्यक्तिलाई पहिचान गर्न नसक्दा घटना बाहिरीन ढिला भएको हो परिवारलाई उधृत गर्दै प्रहरीले बताएको छ ।

आफूलाई जबरजस्ती करणी गर्ने व्यक्ति साउन २ गते राती ९ बजेतिर वृद्धाले पहिचान गरेपछि प्रहरीकोमा उजूरी दिएको उहाँको पारिवारीक स्रोतले बताएको छ । परिवारले बुधबारमात्रै प्रहरीमा उजुरी दिएको थियो । वृद्धाको अवस्था भने अहिले सामान्य रहेको अस्पताललाई उधृत गर्दै प्रहरीले जनाएको छ ।

साथै जबरजस्ती करणी गर्ने चौधरीलाई प्रहरीले नियन्त्रणमा लिएर थप अनुसन्धान गरिरहेको बताइएको छ ।