दाङ। दाङमा थप ५ जनाको कोरोना संक्रमण पुष्टि भएको छ । भेरी अस्पताल बाँके नेपालगञ्जमा गरिएको स्वाब परिक्षणमा तुलसीपुर उपमहानगरपालिकाका ५ जना पुरुषमा कोरोना संक्रमण पुष्टि भएको हो । संक्रमित हुनेहरुमा तुलसीपुर १३ का १६ बर्षिय पुरुष, वडा नम्बर १४ का २४, ३१ र ३६, ३६ बर्षमा पुरुषमा कोरोना भाइरसको संक्रमण देखिएको अस्पतालले जनाएको छ ।

यसो सँगै दाङमा कोरोना संक्रमितको संख्या ६ सय ४९ पुगेको छ । ति मध्य ६ सय ३ जना भने कोरोना मुक्त भैसकेको जिल्ला आपतकालिन कार्य सञ्चालन केन्द्र दाङले जनाएको छ । यसैविच भेरी अस्पतालमै गरिएको स्वाब परिक्षणमा बाँके राप्ती सोनारी गाउँपालिका ८ का २४ बर्षिय पुरुष र ४९ बर्षीया महिलामा पनि कोरोना देखिएको छ ।त्यस्तै प्युठान मल्लरानी गाउँपालिका ३ का एक जना २९ बर्षिय पुरुषमा समेत कोरोना देखिएको अस्पतालले जनाएको छ । वितेको २४ घण्टामा भेरी अस्पतालले २ सय ६५ जनाको स्वाब परिक्षण गर्दा ८ जनामा कोरोना पोजेटिभ देखिएको हो ।