Hl1

Tsb

Gsb

Ssb

Usb

Rgu

Nps

ptl

दाङ । नेकपा एमाले लुम्बिनी प्रदेश सभा सदस्य तथा नेकपा एमाले केन्द्रिय लेखा आयोगका सदस्य रेवतीरमण शर्माले पाँच दलिय गठबन्धन जनताप्रति धोका भएको बताउनु भएको छ ।

नेकपा एमाले घोराही उपमहानगरपालिका वडा नं. ३ ले मुसोटमा आयोजना गरेको चुनावी घरदैलो कार्यक्रम तथा उम्मेदवार परिचयात्मक कार्यक्रमलाई सम्वोधन गर्दै उहाँले पाँच दलिय गठबन्धनका उम्मेदवारलाई एमालेका उम्मेदवारले हराउने बताउनु भयो ।

वडा कमिटिका अध्यक्ष तथा वडा अध्यक्षका उम्मेदवार रामप्रसाद चौधरीको अध्यक्षता तथा नेकपा एमाले केन्द्रिय लेखा आयोगका सदस्य रेवतीरमण शर्माको प्रमुख आतिथ्यतामा भएको कार्यक्रममा स्थानीय तह निर्वाचनमा वडा नं. ३ बाट अध्यक्षमा रामप्रसाद चौधरी र सदस्यहरुमा युवराज सुवेदी, सुखराम चोधरी, मिना बुढाथोकी, जानका सुनारले उम्मेदवारी दिनु भएको छ । नेकपा एमाले घोराही नगर कमिटिका सदस्य रामप्रसाद भुसालको स्वागत मन्तब्य बाट सुरु भएको कार्यक्रमको सञ्चालन वडा कमिटिका सचिव रामबहादुर केसीले गर्नु भएको थियो ।