Ggp6

Lnp9

Lnp1

Lnp3

Ggp1

Ggp3

Lnp5

Ggp5

Lnp2

Ggp2

Ggp4

Lnp-8

दाङ । देउखुरीको गढवा गाउँपालिका स्थित जनता माध्यमिक बिद्यालय गढवामा शुक्रवार बिभिन्न तामझामका साथ पालीका स्तरीय राष्ट्रपति रनिङ शिल्ड प्रतियोगिता सुरु भएको छ ।

गढवा गाउँपालिकाभरका सरकारी तथा निजी क्षेत्रका ३६ बढी बिद्यालयहरुको बिविध भेषभुषा सहितको मार्चपास पछि गाउँपालिकाका अध्यक्ष सहजराम यादवले सो कार्यक्रमको उद्घाटन गर्नुभएको हो । बिद्यालय ब्यवस्थापन समितिका अध्यक्ष युवराज पोखे्रलको अध्यक्षता र गाउँपालिका अध्यक्ष यादवको प्रमुख आतिथ्यमा उद्घाटन कार्यक्रम गरिएको हो ।

कार्यक्रमको उद्घाटन गर्दै प्रमुख अतिथी यादवले खेल मानव स्वास्थ्य र चेतनाकालागि एक बलियो समृद्धिको माध्यम भएको बताउनु भयो । खेलको माध्यमबाट स्वस्थ्य नागरिकको बिकास हुने र नागरिक स्वस्थ्य भएमा बिकास र समृद्धि पनि संगसंगै अगाडी बढ्ने उहाँले बताउनुभयो ।

कार्यक्रममा गढवा गाउँपालिका शिक्षा प्रमुख श्याम बि.क., बुद्धज्योति माध्यमिक बिद्यालयका प्रअ बसन्तराज भट्टराई, जनता माबि कालाकाटेका प्रधानाध्यापक बासुदेव बेल्बासे र जिल्ला एथलेटिक्स का खेल प्रशिक्षक पद्मा चौधरी लगायतले खेलको महत्व र औचित्यका बारेमा बोल्नाु भएको थियो । तिन दिन सम्म संचालन हुने उक्त खेलमा गढवा गाउँपालिकाभरका ३५ बढी बिद्यालयका बिद्यार्थीहरु सहभागि भएर खेल खेल्ने बताईएको छ । सो अवसरमा एक हजार पाँचसय मिटर दौड,हाई–जम्प,लङ्–जम्प,सटपुट,रिले,कबड्डी,भलीवल,फुटवल लगायत थुप्रै खेलकुदहरु संचालन हुने बताइएको छ ।

उक्त कार्यक्रमलाई सफल पार्न बिभिन्न उपसमितिहरु गठन गरिएको र खेलकुद संगै साँस्कृतिक भेषभुषा सहितको नृत्य प्रतियोगिता पनि रहेको आयोजकले जनाएको छ । गढवा गाउँपालिकाको बार्षिक स्विकृत कार्यक्रम अन्तर्गतको आर्थिक सहयोग र जनता माध्यमिक बिद्यालय गढवाको आयोजनामा हरेक बर्ष जस्तै यो बर्ष जनता माबी गढवामा खेलकुदको आयोजना गरिएको गाउँपालिकाका शिक्षा प्रमुख श्याम बिक ले जानकारी दिनुभयो ।