Lnp-8

Lnp9

Lnp3

Ggp2

Ggp6

Ggp3

Lnp1

Lnp2

Ggp5

Lnp5

Ggp1

Ggp4

दाङ । घोराही कारागारबाट कैदी भागेपछि कारागारका जेलर र सुरक्षा प्रमुखलाई तानिएको छ । कर्तव्य ज्यान मुुद्धामा जन्मकैद सजाय पाएका यामराज परियारलाई उपचारका लागि भन्दै त्यहाँबाट निकालिएको र मिलेमतोमा भगाएको प्रहरीको निष्कर्श छ ।

त्यस्तै कारागारका जेलर युुवराज परियारलाई जिल्ला प्रशासन कार्यालयमा र सुरक्षा प्रमुुख, प्रहरी निरीक्षक रुद्रबहादुर सेनठकुरीलाई जिल्ला प्रहरी कार्यालयमा तानिएको हो । छालाको उपचार गर्न भनि कारागारका नाईके कैदी परियारलाई प्रहरी जवान धनबहादुर चौधरीले बुुधबार दिउँसो लु ३४ प ४१० नम्बरको मोटरसाईकलमा लिएर गएका थिए । तर उनिहरु अस्पताल नगई होटलमा पुुगेको र त्यहीबाट भागेका प्रहरीको भनाई छ । प्रहरी र कैदीले घोराहीकै थकाली होटलमा दुुई जना महिलालाई लिएर गएको अनुसन्धानबाट खुलेको छ ।

उक्त घटनामा संलग्न भएका प्रहरी जवान सहित अनुसन्धानका लागि कारागारका कार्यालय सहयोगी, ती दुुई महिला र होटल सञ्चालकलाई प्रहरीले नियन्त्रणमा लिएको छ । कैदी परियारले प्रहरी जवानलाई होटलको कोठामा थुुनेर भागेको प्रहरी अनुसन्धानले देखाएको छ ।

यस्तै भाग्न प्रयोग गरेको मोटरसाईकल लमही ६ बेलदमारको जंगलमा बिहिबार फेला परेको थियो । तर कैदी परियार भने अझै फेला परेका छैनन् । डिएसपी मुुकुुन्दप्रसाद रिजालको कमाण्डमा जिल्लामा र बाहिरबाट सिआईविको टोलीले समेत खोजी तथा अनुसन्धान भैरहेको प्रहरी स्रोतले जानकारी दिएको छ ।