Lnp9

Lnp3

Lnp-8

Ggp2

Ggp4

Lnp5

Ggp3

Lnp2

Ggp6

Ggp5

Ggp1

Lnp1

काठमाडौं । हिटर,कोइलाको प्रयोगबाट निस्सासिएर प्रत्यक वर्ष मानिसको मृत्यु हुने गरेको नेपाल प्रहरीको तथ्याङ्कले देखाएको छ । १० वर्षको अवधिमा जाडो महिनामा बन्द कोठामा कोइला वा हिटर प्रयोग गर्दा निस्सासीएर २२ जनाको मृत्यु भएको छ ।

प्रहरीलाई प्राप्त भएको जानकारी अनुसार २०६७ सालदेखि २०७७ सालको अवधिमा १० जनाकोे जिवितै उद्दार गरिएको छ । १५ जनाको कोठा भित्र हिटर र कोइला बालेका कारण निस्सासीएर मृत्यु भएको र ७ जनाको ग्यास गिजरको प्रयोगबाट मृत्यु भएको नेपाल प्रहरीका प्रवक्ता बसन्त कुँवरले जानकारी दिनुभयो ।

चिकित्सकहरूका अनुसार बन्द कोठामा कोइला बाल्दा रिङ्गटा लाग्ने, वाकवाकी लाग्ने, टाउको दुख्ने लगाएतका समस्या देखिन्छ । लामो समय सम्म यस्तो ठाउँमा बसेमा निसास्सिने, बेहोस हुने र मृत्यु हुने डाक्टरहरूको भनाइ छ ।

हावाको ओहोरदोहोर राम्ररी हुने कोठामा मात्रै कोइला तथा हिटर बाल्नु पर्ने जनाइएको छ । बाथरुममा ग्यासगिजर प्रयोग गर्दा मेसिनलाई खुला ठाउँमा जडान गर्ने तथा पाइपको माध्यमले तातो पानी बाथरुममा सम्म ल्याउन सकिने बताइएको छ ।