Ggp1

Lnp2

Lnp9

Lnp3

Ggp4

Lnp-8

Ggp6

Ggp5

Ggp3

Ggp2

Lnp1

Lnp5

दाङ । गढवा गाउँपालिकाका बिभिन्न वडाहरुमा लैंगिक हिंसा बिरुद्धको १६ दिने अभियान संचालन भैरहेको गाउँपालिकाको महिला तथा वालवालीका शाखाले जनाएको छ ।

गत मंसिर ९ का दिन गढवा बजारमा मार्चपास सहित दिप प्रज्ज्वलन गरि उद्घाटन गरिएको कार्यक्रम वडा स्तरमा संचालन भैरहेको बताइएको छ । जस अनुसार बिद्यालयहरुमा बक्तृत्वकला तथा वडा स्तरमा अन्तरक्रिया तथा कानूनि अभिमुखिकरण गर्दैै कार्यक्रमले तिब्रता लिएको गाउँपालिकाले जनाएको छ । बिद्यालय स्तरको बक्तृत्वकला सरस्वती माध्यमिक बिद्यालय गोबरडिहा,जनता मात्तयमिक बिद्यालय कालाकाटेमा सम्पन्न भै सकेको छ भने गढवा स्थित जनता माबिमा मंसिर २१ ग्ते आयोजना गरिएको छ ।

त्यसैगरि सिपी नेपाल,मञ्जरी साना किसान सहकारी संस्था,हिमाल महिला सहकारी र स्वान नेपालको समन्वय सहकार्यमा सिपी हलमा आइतवार वडानं.४ र ५ को कानूनी अभिमुखिकरण सम्पन्न भएको छ । कार्यक्रमको उद्घाटन उपाध्यक्ष शान्ती चौधरीले गर्नुभएको हो । त्यसैगरी वडानं.१ म धानखोला कृषि सहकारी संस्था र सामुदायिक स्रोत ब्यवस्थापन केन्द्रको समन्वय सहकार्यमा लैंगिक हिंसा बिरुद्धको अन्तरक्रियात्मक कार्यक्रम सम्पन्न भएको छ भने गढवा ८ कोइलाबासमा शान्ती पुर्नस्थापना गृहको सहआयोजना र समन्वयमा वडा कार्यालयमा अन्तरक्रिया कार्यक्रम सम्पन्न भएको गाउँपालिकाले जनाएको छ ।

यसैगरी सोमवारका दिन दक्षिण देउखुरी अधिकार मञ्चको आयोजना र गढवा गाउँपालिकाको आर्थिक सहयोगमा वडानं. २ र ३ मा लैंगिक हिंसा बिरुद्धको १६ दिवसीय कार्यक्रम अन्तर्गत अन्तरक्रिया र कानूनी सचेतना गरि मनाइएको छ । दक्षिण देउखुरी अधिकार मञ्चका सित कुमार चौधरीको अध्यक्षतामा भएको कार्यक्रमको उद्घाटन गढवा गाउँपालिकाका उपाध्यक्ष शान्ती चौधरीले गर्नुभएको थियो । कार्यक्रममा वडानं. ३ का वडा अध्यक्ष तुल्सीराम अधिकारी र वडा सदस्य छुकान चौधरी र शान्ती पुर्नस्थापना गृह कोइलाबासका सुपरवाइजर कैलासु राना लगायतले बोल्नु भएको थियो ।

कार्यक्रममा बोल्दै उपाध्यक्ष शान्ती चौधरीले राजनितिक, आर्थिक,सामाजि र घरेलु हिंसा अन्त्य गर्न घरबाटै सुरु गर्नुपर्ने बताउनु भयो । त्यस्तै मंसिर २१ क दिन जनता माबि गढवामा अन्तर बिद्यालय स्तरिय बक्तृत्वकला प्रतियोगिता गरिने भएको छ भने वडानं.६ र ७ मा रेडक्रस,सामुदायिक पुस्तकालय र नवस्वर्गद्धारी महिला सहकारीको समन्वय सहकार्यमा अन्तरक्रिया कार्यक्रमको आयोजना गरिने भएको छ । वडा स्तरका सबै कार्यक्रमहरु सकिए पछि सबै संघसंस्था र गाउँपालिकाको संयुक्त आयोजनामा पुरस्कार वितरण,सम्मान र अन्तरक्रिया गरि मंसिर २४ का दिन गाउँपालिकाको सभाहलमा कार्यक्रमको समापन गरिने आयोजकले जनाएको छ ।