Rgs

mmsb

Jmg

Rms

nakb

mbd

apb

tvs

चितवन । नेकपा एमालेको महासचिवमा शंकर पोख्रेल सर्वसम्मत निर्वाचित हुनु भएको छ । चितवनको सौरहामा जारी १० औं राष्ट्रिय महाधिवेशनबाट पोख्रेल सर्वसम्मत महासचिव चुनिनु भएको हो ।

सोमबार मनोनयन दर्ताको समय अवधिभित्र अन्यको उम्मेदवारी नपरेपछि पोख्रेल सर्वसम्मत महासचिव बनेको निर्वाचन समितिले जनाएको छ । उहाँ नवौं महाधिवेशनबाट उपमहासचिव पदमा पराजित हुनु भएको थियो । दाङ घर हुनु भएका पोख्रेलले लुम्बिनी प्रदेशको पूर्वमुख्यमन्त्री समेत हुनु भैसक्नु भएको छ ।

महासचिव पदमा विष्णु पौडेल पनि दाबेदार रहनु भएको थियो । दुवै ओली निकट नेता हुनुहुन्छ । पार्टी अध्यक्ष ओलीले पौडेललाई उपाध्यक्ष र पोख्रेललाई महासचिवमा प्रस्ताव गर्नु भएको थियो । पोख्रेल सर्वसम्मत महासचिव बने पनि पौडेलले भने चुनावको सामना गर्नु पर्ने भएको छ ।