दाङ । निजी तथा आवासीय विद्यालय अर्गनाइजेसन नेपाल (प्याब्सन )दाङकाे आयाेजनामा सम्पन्न छात्रा ब्याडमिन्टनकाे उपाधि ग्रेट अरनिकाे इङलिस बाेर्डिङ स्कुल तुलसीपुरले प्राप्त गरेकाे छ ।

कक्षा ११ र १२ का विद्यार्थीका बिच आयाेजित छात्रा ब्याडमिन्टन प्रतियोगिताकाे उपाधि ग्रेट अरनिकाे मावि तुलसीपुरले प्राप्त गरेकाे हाे । त्यस्तै फस्ट रनर अप गाेरखा मावि तुलसीपुर भएकाे छ भने सेकेन्ड रनर अप गुरुकुल एकेडेमी घाेराही भएकाे छ ।

वक्तृत्वकलामा गाेरखा घाेराहीका आयुष प्रथम

कक्षा ११ र १२ का विद्यार्थीका बिच आयाेजित वक्तृत्वकला प्रतियोगितामा गाेरखा इन्टरनेसनल पब्लिक सेकेन्डरी स्कुल घाेराहीका आयुष देवकोटा प्रथम भएका छन् । त्यस्तै दाङभ्याली कलेज घाेराहीकी छात्रा करूणा पाैडेल द्वितीय भएकी छिन् भने माउन्ट भ्यु इङलिस बाेर्डिङ स्कुलकी सलिना पाैडेल तृतीय भएकी छिन् । `पर्यावरण सङ्कट : विकासकाे मूल्य कि विकासकै चुनाैती´ शीर्षकमा वक्तृत्वकला प्रतियाेगिता भएकाे थियाे । प्रतियोगितामा जिल्लाभरका ८ वटा विद्यालय सहभागी रहेका थिए । प्रतियोगितामा डा.सुदीप गाैतम र निशान्त आचार्य निर्णायक रहेक थिए ।

त्यस्तै भलिबलकाे फाइनल खेल शुक्रबार
भलिवल प्रतियोगिताकाे फाइनल खेल भाेलि शुक्रबार हुने छ । कक्षा ११ र १२ का छात्रहरूकाे फाइनल खेल शुक्रबार हुने बताइएकाे छ । जिल्लास्तरीय प्रतियोगितामा १६ वटा विद्यालय सहभागी रहेका छन् ।

प्याब्सनका पूर्व केन्द्रीय सल्लाहकार नारायण प्रसाद अधिकारीकाे प्रमुख आतिथ्यमा कार्यक्रम सम्पन्न भएकाे थियाे । प्याब्सन दाङका वरिष्ठ उपाध्यक्ष तथा कार्यबाहक अध्यक्ष बिरेन्द्र चन्दकाे अध्यक्षतामा कार्यक्रम सम्पन्न भएकाे थियाे । प्याब्सन दाङकाे तालिम तथा अनुगमन विभागका संयाेजक चक्रबहादुर रावतकाे स्वागत मन्तव्यबाट सुरू भएकाे कार्यक्रमकाे सहजीकरण सचिव आदिम केसीले गरेका थिए ।