Pvg

nsb

Hal

Rsb

Asm

Sbs

Wsp

Ksm

Ssm

Gst

Tsm

Vor

Rgs

Bbu

Ggd

Rgu

Rgu

Sls

Bbbpu

Rpp

Abd

Jmb

Mks

sab

Gsb

Syp

Jmb

bbt

Rmb

Ptm

Bml

Pls

काठमाडौं । नेपाली काङ्ग्रेसले आफ्नो १५ औं महाधिवेशन पुसमा गर्ने निर्णय गरेको छ।

सोमबार सानेपामा बसेको केन्द्रीय समिति बैठकले पुस २६, २७ र २८ गते १५ औं महाधिवेशन गर्ने निर्णय गरेको प्रवक्ता प्रकाशशरण महतले जानकारी दिए । उनका अनुसार महाधिवेशन काठमाडौंमै हुनेछ।

केन्द्रीय समिति बैठकमा कार्यवाहक सभापति पूर्णबहादुर खड्काले महाधिवेशन कार्यतालिका प्रस्तुत गरेका थिए। उक्त कार्यतालिका सर्वसम्मत रुपमा पारित भएको हो । महाधिवेशन मितिबारे विषयमा सहमति जुट्न नसक्दा असोज २८ गतेदेखि सुरु केन्द्रीय समिति बैठक बीचमा पटक पटक स्थगित भएको थियो ।

सभापति शेरबहादुर देउवा र कार्यवाहक सभापति पूर्णबहादुर खड्काले नेताहरुसँग निरन्तर अनौपचारिक कुराकानी गरी पुसभित्रै महाधिवेशन गर्ने निर्णयमा पुर्‍याएका थिए। उक्त निर्णयलाई नै केन्द्रीय समितिले अनुमोदन गरेको हो।

फागुन २१ को चुनावअघि महाधिवेशन गर्ने कि पछि, नियमित गर्ने कि विशेष भन्नेजस्ता विवादले डेढ महिनासम्म काङ्ग्रेस अनिर्णीत हुँदा आलोचना भएको थियो । नेताहरु विमलेन्द्र निधि र कृष्णप्रसाद सिटौला पनि चुनावअघि महाधिवेशन गर्न तयार भएका थिएनन्।

सभापति देउवा र कार्यवाहक सभापति खड्कासँग आज भेटेर कुराकानी गरेपछि निधि,सिटौलासहित सभापति देउवा पक्षका केही नेताहरू पुसभित्रै १५ औं महाधिवेशन कार्यतालिका ल्याउन तयार भएका थिए । निधि,सिटौला,विजयकुमार गच्छदार,सीता गुरुङ,किरण पौडेल,कुन्दनराज काफ्ले,गुरु बराललगायत नेताहरुले सुरुमा कार्यवाहक सभापति खड्कासँग कुराकानी गरेका थिए। त्यसपछि उनीहरु सभापति देउवालाई भेट्न निवासमा गएका थिए।

सभापति देउवाले अग्रसरता लिएर निकास दिन खोजेकोले त्यसलाई आफूहरुले समर्थन गरेको निधिले बताएका थिए । काङ्ग्रेसमा ५४ प्रतिशत महाधिवेशन प्रतिनिधिहरुले विशेष महाधिवेशन मागेका थिए।

पुसभित्रै नियमित महाधिवेशन हुन नसके विशेष महाधिवेशनमा जानुको विकल्प नरहने महामन्त्रीद्वय गगन थापा र विश्वप्रकाश शर्माको अडान थियो।

महाधिवेशन कार्यतालिका यस्तो रहेकोे छ;

मंसिर २० गतेभित्रै नयाँ क्रियाशील सदस्यता केन्द्रबाटै फारम वितरण गरिसक्ने।
सबै निर्वाचन क्षेत्रमा पुस ८ गतेभित्र नयाँ क्रियाशील वितरणको काम गरिसक्ने।
क्रियाशील सदस्यताको नयाँ र नवीकरणको अन्तिम सूची कार्यवाहक सभापति र सभापतिलाई बुझाउने मिति पुस १४ गते।
विदेशस्थित जनसम्पर्क समितिको अधिवेशन पुस १५ भित्र गरिसक्नुपर्ने।
गाउँ/नगर वडा अधिवेशन पुस १६ गते हुने।
गाउँपालिका र नगरपालिका अधिवेशन पुस १७ गते।
प्रदेश सभा क्षेत्रीय अधिवेशन पुस १९ गते।
प्रतिनिधि सभा क्षेत्रीय अधिवेशन पुस २१ गते (एक मात्र प्रतिनिधि सभा क्षेत्र भएको जिल्लामा)
प्रतिनिधि सभा क्षेत्रीय अधिवेशन पुस २२ गते (एकभन्दा बढी प्रतिनिधि सभा क्षेत्र भएका जिल्लामा)
प्रदेश अधिवेशन पुस २३ र २४ गते।
केन्द्रीय महाधिवेशन पुस २६ देखि २८ गतेसम्म, काठमाडौंमा।सेतोपाटी