Ssb

Usb

Hl1

Tsb

Gsb

ptl

Rgu

Nps

काठमाडौँ । मेडिकल व्यवसायी दुर्गा प्रसाईंलाई भेट्न जिल्ला प्रहरी परिसर काठमाडौँ पुगेका नौजनालाई पनि प्रहरीले नियन्त्रणमा लिएको छ।

मंगलबार दिउँसो परिसरमा रहेका प्रसाईंलाई भेट्न पुगेका उनका निजी सुरक्षा गार्ड र नागरिक बचाउ महाअभियानका कार्यकर्ताहरु पक्राउ परेका हुन्।

परिसरका प्रवक्ता एसपी पवनकुमार भट्टराईले उनीहरुलाई नियन्त्रणमा लिएर सोधपुछ गरिरहेको बताए। उनीहरु चढेर गएको गाडी पनि प्रहरीले खानतलासी गरेको छ । प्रसाईंलाई प्रहरीले सार्वजनिक शान्ति खलल पुर्‍याउने गरी अभिव्यक्ति दिएको आरोपमा सोमबार राति उनकै निवासबाट पक्राउ गरेको थियो।

जिल्ला प्रशासन कार्यालय काठमाडौँले उनलाई थप ४ दिन प्रहरी हिरासतमै राखेर अनुसन्धान अघि बढाउन अनुमति दिइसकेको छ। नागरिक बचाउ महाअभियानका सदस्यहरुले मंगलबार जिल्ला प्रशासन कार्यालयमा ज्ञापन पत्र बुझाउँदै प्रसाईंलाई २४ घण्टाभित्र रिहाइ गर्न माग समेत गरेका छन्।