दाङ । नेकपा एमले गढवाले पालिकाका आठवटै वडाहरुको भेला गरि जिल्ला अधिवेशनका लागि प्रतिनिधी छनोट गरेको बताएको छ ।

आसन्न जेष्ठ ६ र ७ मा दाङको घोराहीमा आयोजना गरिएको एमाले दाङको १४ औं अधिवेशनका लागि जिल्लाभर प्रतिनिधी छनोटको काम चलिरहेको छ । सोहि अभियान अन्तर्गत गढवाले आठवटै वडाहरुको भेला सम्पन्न गरि पालिका कमिटिको समेत बैठक बसी वडाबाट आएका सिफारिस बमोजिम प्रतिनिधीहरुको नामावली शनिवार जिल्लामा पठाएको एमाले गढवाका अध्यक्ष बाबुराम अधिकारीले जानकारी दिए । जस अन्तर्गत वडा नम्बर ८ बाट अब्दुल खालिक सिद्दिकी, वडा नम्बर ७ बाट नवराज देवकोटा, हरिनारायण चौधरी र शिऊकुमारी चौधरी, वडा नम्बर ६ बाट शिबराज पन्थी, मोहन बुढा, चन्द्रराज पाण्डेय, दामोदर ढुंगाना, मधा न्यौपाने र गिता चौधरी छनोट भएको एमाले गढवाले जनाएको छ ।

त्यसैगरी वडा नम्बर ५ बाट सिता चौधरी र देव यादव, वडा नम्बर ४ बाट सानुनारायण अधिकारी, सिता चौधरी र कमल खड्का, वडा नम्बर ३ बाट राजेश रावत क्षेत्री, वडा नम्बर २ बाट सहजराम यादव र भानु यादव तथा वडा नम्बर १ बाट बाबुराम अधिकारी,केशरी गिरी, ढकबहादुर महतरा, बिनोद अधिकारी गोबिन्द बोहोरा, रमेश वली र मिना कुमारी क्षेत्री छनोट भएको बताइएको छ ।