Bbbpu

Ssm

Ggd

Rsb

Asm

Bbu

Rgu

Rgu

Hal

Tsm

Sbs

Sls

nsb

Wsp

Ksm

Vor

Pvg

Gst

Rgs

Abd

Jmb

Gsb

Mks

Syp

Jmb

sab

Ptm

bbt

Rmb

Bml

Pls

Rpp

दाङ । ट्रकले मोटरसाइकललाई ठक्कर दिँदा दुई जनाको मृत्यु भएको छ । सोमबार बिहान साढे ११ बजेतिर तुलसीपुर-घोराही सडक खण्ड अन्तरगत घोराहीबाट-तुलसीपुरतर्फ आउँदै गरेको लु २ ख ३८१ नम्बरको ट्रकले लु ७३ प ११६२ नम्बरको मोटरसाइकललाई घोराही उपमहानगरपालिका ११ स्थित खैरा चोकमा ठक्कर दिँदा दुई जनाको मृत्यु भएको जिल्ला प्रहरी कार्यालयका प्रवक्ता तथा प्रहरी नायव उपरीक्षक राजन गौतमले जानकारी दिनु भयो ।

त्यस्तै दुर्घटनामा परी मृत्यु हुनेमा घोराही उपमहानगरपालिका ११ खैरा निवासी २६ वर्षीय मोटरसाइकल चालक सन्देश बस्नेत र मोटरसाइकलमा सवार सोही ठाउँ बस्ने १७ वर्षीय गोपाल विक रहेको डिएसपी गौतमले बताउनु भयो ।

दुर्घटनाका घाइतेमध्ये गोपालको घटना स्थलमै मृत्यु भएको थियो भने घाइते भएका सन्देशको घोराही स्थित राप्ती स्वास्थ्य विज्ञान प्रतिष्ठानमा पुर्‍याए लगत्तै चिकित्सकले मृत घोषणा गरेको अस्पताललाई उद्धत गर्दै डिएसपी गौतमले जानकारी दिनु भयो।

ट्रकलाई ओभर ट्याक गर्न खोज्दा मोटरसाइकल दुर्घटनामा परेको हुन सक्ने प्रहरीको प्रारम्भीक अनुसन्धान छ । साथै ट्रक र ट्रक चालकलाई प्रहरीले नियन्त्रणमा लिइ थप अनुसन्धान गरिरहेको जनाएको छ । मृतक दुवै जनाको शवलाई पोस्टमार्टमका लागि राप्ती स्वास्थ्य विज्ञान प्रतिष्ठानको शव गृहमा राखिएको छ ।