nsb

Asm

Pvg

Ssm

Ggd

Bbu

Bbbpu

Rsb

Rgu

Gst

Sls

Hal

Tsm

Vor

Wsp

Ksm

Rgs

Sbs

Rgu

Abd

Gsb

Ptm

Pls

Mks

Rpp

Jmb

bbt

Syp

Bml

Rmb

Jmb

sab

दाङ । दाङको राप्ती गाउँपालिकामा अध्यक्ष पदका उम्मेदवार सीता नेपाली सहित ९ जनाले उम्मेदवारी फिर्ता लिएका छन् ।

वैशाख ३० गते हुन लागेको स्थानीय तह सदस्य निर्वाचनका लागि गत वैशाख ११ र १२ गते उम्मेदवारी दर्ता गराएका उम्मेदवार मध्ये नेकपा एकीकृत समाजवादीबाट अध्यक्ष पदमा उम्मेदवारी दिएकी सीता नेपाली, जनता समाजवादी पार्टीबाट उपाध्यक्ष पदमा उम्मेदवारी दिएकी दिपशिखा न्याैपाने, नेकपा एकीकृत समाजवादीबाट वडा नम्बर ३ मा वडा अध्यक्ष पदमा उम्मेदवारी दिएका हिमाल अधिकारी, सोही पार्टीबाट वडा नम्बर ७ मा वडा अध्यक्ष पदमा उम्मेदवारी दिएका राजकुमार खत्रीले उम्मेदवारी फिर्ता लिएको राप्ती गाउँपालिकाका निर्वाचन अधिकृत हेमराज अर्यालले जानकारी दिएका छन् ।

त्यसै गरि नेकपा एकीकृत समाजवादी पार्टीबाट वडा नम्बर २ मा दलित महिला सदस्यमा उम्मेदवारी दिएका तारा सुनार, सोही पार्टीबाट सोही वडामा खुल्ला सदस्य पदमा उम्मेदवारी दिएका प्रविण बहादुर कुमाल, सोही पार्टीबाट वडा नम्बर १ मा महिला सदस्य पदमा उम्मेदवारी रिमा गुरूङले पनि उम्मेदवारी फिर्ता लिएका छन् ।

त्यस्तै जनता समाजवादी पार्टीबाट वडा नम्बर १ मा वडा अध्यक्ष पदमा उम्मेदवारी दिएका गोविन्द रोका ( गोपाल), सोही पार्टीबाट वडा नम्बर ३ को खुल्ला सदस्य पदमा उम्मेदवारी दिएका रामकुमार चाैधरीले पनि उम्मेदवारी फिर्ता लिएको राप्ती गाउँपालिकाका निर्वाचन अधिकृत अर्यालले जानकारी दिएका छन् ।

यसै बीच निर्वाचन कार्यालयले आजै अन्तिम नामावली प्रकाशन गर्ने र भोलि वैशाख १७ गते उम्मेदवारहरूलाई निर्वाचन चिन्ह प्रदान गर्ने बताइएको छ ।