Hl1

Usb

Tsb

Gsb

Ssb

Nps

ptl

Rgu

कपिलवस्तु । जनता समाजवादी पार्टी,नेपालका लुम्बिनी प्रदेशका अध्यक्ष अशोक कुमार यादवले कृष्णनगरमा अझैसम्म नेताले गफ मात्र गरेको तर विकास नगरेको बताउनु भएको छ ।

प्रदेश अध्यक्ष यादवले कृष्णनगरमा विगत लामो समयदेखि नेतृत्वले विकासको काम नगरेको आरोप लगाउनु भयो । जिल्लाको कृष्णनगरमा आयोजित जसपा नेपालको विकास स्थानिय तह निर्वाचन लक्षित अन्तरक्रिया तथा पार्टी प्रवेश कार्यक्रममा उहाले यस्तो बताउनु भएको हो ।

कृष्णनगर क्षेत्रका नागरिक परिवर्तन चाहेको जसपा नेपालका लुम्बिनी प्रदेश सदस्य अकरम पठानले बताउनु भयो । आउने दिनमा यो क्षेत्र जसपामय हुने पठानले जानकारी दिनुभयो । कृष्णनगरमा भएको कार्यक्रममा विभिन्न समिति गठन गरिएको छ । जसपाले आउने स्थानीय तहको निर्वाचनमा बलियो उम्मेदवार छनोट गर्ने योजनाका साथ अघि बढेको प्रदेश सदस्य रहिश शाहले बताउनु भयो ।

त्यस्तै पार्टीको छलफल पश्चात प्रत्येक वार्डमा अन्तरक्रिया गर्ने निर्णय गरिएको प्रदेश सदस्य रहिश शाहले जानकारी दिनुभयो । कार्यक्रममा जिल्ला अध्यक्ष शैलेन्द्र यादवले जसपा नेपाल भविस्य वोकेको पार्टी भएको बताउनु भयो । जसपाले जिल्लाको सबै स्थानीय तहमा पार्टीको विभिन्न तहगत कार्यक्रम आयोजना गरि काम गरिरहेको यादवको भनाइ रहेकोे छ ।