Usb

Gsb

Tsb

Hl1

Ssb

Rgu

ptl

Nps

प्युठान । प्युठान जिल्लाको सरुमारानी गाउँपालिका वडा नम्बर ४ बड्डडाँडा स्थित जनता माध्यमिक विद्यालयमा मगर भाषा पढाइको कक्षा सञ्चालन भएको छ ।

मगर समुदायको भाषा,लिपि र रीतिरिवाजको संरक्षण गर्दै नयाँ पुस्तामा हस्तान्तरण गर्ने उद्देश्यले मगर भाषाको पढाइ थालिएको विद्यालयका प्रधानाध्यापक योग कुमार पाण्डेले बताउनु भयो । प्रअ पाण्डेले भन्नुभयो,’मगर भाषा संरक्षण गर्न विद्यालयमा यसको पठन-पाठन शुरु गरेका हौं।’

विद्यालयले गएको तीन बर्षदेखि पाठ्यक्रम विकास केन्द्रले निर्माण गरेको पाठ्यपुस्तकलाई आधार बनाएर ऐच्छिकरुपमा १०० पूर्णाङ्कको मगर भाषाको पठन-पाठन शुरु गरिएको जनाएको छ । यस्तै विद्यालयमा हाल १ देखि ३ कक्षासम्म मगर भाषाको पढाई सञ्चालन हुँदै आएको छ । मगर समुदायको बाहुल्यता रहेको गाउँपालिकाको उक्त विद्यालयमा मगर भाषा पढाउने पहिलो विद्यालय रहेको सरुमारानी गाउँपालिकाका शिक्षा शाखा प्रमुख पुष्पलाल शाहीले जानकारी दिनु भयो । उहाँले मातृभाषाका लागि गाउँपालिकाले छुट्टै पाठ्यक्रम बनाउने तयारी गरिरहेको समेत जानकारी दिनु भयो । सो पालिकामा नेपाली भाषापछिको दोस्रो भाषाकोरुपमा मगर भाषा बोल्ने गरिएको छ। कमनाडेलि