बाँके । यातायात ब्यबस्था कार्यालय नेपालगन्ज बाँकेले सवारी साधनको ट्रायल सुरु गरेको छ । कोरोना महामारीको कारण नयाँ सवारी चालक अनुमती पत्रको सम्पुर्ण काम बन्द थियो ।

सोही बन्दको कारण अहिले सवारी लाइसेन्स बनाउनेको घुइँचो छ । मौकाको फाइदा उठाउदै यातायात ब्यबस्था कार्यालय नेपालगन्ज बाँके, अख्तियार दुरुपयोग अनुसन्धान नेपालगन्ज, जिल्ला ट्राफिक प्रहरी कार्यालय कोहलपुर, राष्ट्रिय अनुसन्धान बाँके, लगायतको सहमतिमा दैनिक १५ देखि २५ वटासम्म सवारी लाइसेन्स सेटिङमा फेललाई पास हुने गरेको स्रोतले जनाएको छ । नेपालगन्ज र कोहलपुरका ड्राइभिङ सेन्टरहरुसंग उठबस र खानपिन देखि आर्थिक सबै चलखेल यातायात कार्यालय, ट्राफिक प्रहरी, राष्ट्रिय अनुसन्धान, अख्तियार दुरुपयोग, लगायतको कर्मचारिहरुको मिलोमतोमा लाइसेन्स सेटिङ्ग रहेको स्रोतले जानकारी दिएको छ ।

जिल्ला ट्राफिक प्रहरी कोहलपुरसङ सेटिङ बनाएका ड्राइभिङ सेन्टरका संचालकहरु अर्थिक खाना देखि रक्सीसम्म खुवाउन तयार हुन्छन । ट्राफिक र ड्राइभिङका संचालक संग बसि लाइसेन्स सेटिङ्गमा निकाल्ने योजना बनाउने र सबै निकायका प्रतिनिधिलाइ लाइन दिएर फिल्डमा क्यामरा भएको भन्दै टाइट छ । अहिले सेटिङ भन्दै रकम असुल्ने गरेको गोप्य स्रोतको दाबी छ । टाइट छ । माथीले धेरै माग्छन भनेको भरमा कारको लाइसेन्स ३० हजार देखि ४० हजारसम्म लिएर बनाउने गरेको स्रोतको दाबी छ ।

उच्च स्रोतका अनुसार यातायात ब्यवस्था कार्यालय नेपालगन्जका (केशब घिमिरे) (सुशील शर्मा) राष्ट्रिय अनुसन्धान र अख्तियारका प्रतिनिधिको सहकार्य र कोहलपुर ट्राफिक प्रहरी सई (भक्त बहादुर ठकुल्ला) र अन्य कोहलपुरमा रहेका ट्राफिक सई हरुको मिलोमतोमा फिल्डमा फेल भएकालाई लाइसेन्स पास गरेर दिने गरेको प्रवेश पत्रमा फेल भएकालाई रातो मार्क लगाएको प्रष्ट देख्न सकिन्छ छ ।
बाँकेमा लाइसेन्स सेटिङ्ग लकडाउन पछि निरन्तर चलीरहेको स्रोतले जानकारी दिएको छ ।