गुल्मी । गुल्मी जिल्लाको गुल्मीदरबार गाउँपालिका वडा नम्बर–४ मिसुका स्थित भित्री कच्ची सडक खण्डमा बिरबासबाट मिसुका तर्फ जाँदै गरेको लु १ च ४९०६ नम्बरको बोलेरो पिकअप दुर्घटना हुँदा २ जनाको मृत्यु भएको छ भने ११ जना घाइते भएका छन् ।

प्रहरीका अनुसार बोलेरो पिकअप गाडी अचानक ब्रेक फे’ल भई स्थानीय फुलमाया श्रेष्ठको घरमा ठोक्किँदा दुर्घटना भएको हो । दुर्घटनामा गुल्मीदरबार ४ निवासी ३५ वर्षीया कृष्णा ढेंगा र ४० वर्षीया मीना सनामीको मृ’त्यु भएको जिल्ला प्रहरी कार्यालय गुल्मीका प्रहरी नायब उपरीक्षक गंगाबहादुर सारुले बताए ।

त्यस्तै घाइतेहरुलाई तत्काल प्राथमिक स्वास्थ्य केन्द्र श्रृङ्गामा पुर्‍याई उपचार गरिएको थियो । दुर्घटनामा जमुना ढेंगा,सुमित्रा ढेंगा,पार्वती ढेंगा,पम्फा ढेंगा, कुमारी पुन ढेंगा,मिना सनामी लगायत ग’म्भीर घा’इते भएका छन् भने अन्य केहीको अवस्था मध्यम रहेको प्रहरीले जनाएको छ । घाइतेमध्ये २ जनालाई थप उपचारको लागि पाल्पा पठाइएको प्रहरीले जनाएको छ ।