mbd

Rms

Jmg

Rgs

tvs

apb

काठमाडौं ।  बर्दियाको राजापुरबाट फर्किएका दुई भारतीयमा कोरोना भाइरस (कोभिड–१९) पुष्टि भएको छ ।

ती दुवै भारतीय नागरिक हुन् । उनीहरु राजापुर कोठियाघाटस्थित क्रसर उद्योगका मजदुर रहेको बताइएको छ । उनीहरु लकडाउनका बीच गत ५ वैशाखमा दुवैतर्फका प्रहरीको आँखा छलेर भारत उत्तरप्रदेशको बहराइच जिल्लास्थित घर गएका थिए ।

नेपालबाटै संक्रमित भएर गएको पाइएपछि उच्च सतर्कता अपनाइएको प्रमुख जिल्ला अधिकारी प्रेमलाल लामिछानेले जानकारी दिए । क्रसर उद्योग आसपास क्षेत्रमा विशेष सतर्कता अपनाइएको उनले जनाए ।

प्रमुख जिल्ला अधिकारी लामिछानेले भारतको बहराइच प्रशासनले इलाका प्रहरी कार्यालय जमुनाहालाई पत्र लेखेर नेपालबाट गएका दुई भारतीयमा कोरोना संक्रमण पुष्टि भएको जानकारी गराएको उल्लेख गरे ।

लामिछानेले क्रसर उद्योगमा कार्यरत अरु मजदुर र उनीहरुको सम्पर्कमा आएका मानिसहरुको नमुना संकलन गरी परीक्षण गरिएको छ ।

तर, पीसीआर परीक्षणमा उद्योगमा कार्यरत पाँच भारतीय र ११ नेपाली कसैमा पनि कोभिड–१९ पुष्टि भएन ।