दाङ । देउखुरीको राजपुर गाउँपालिका वडा नम्बर ५ करबलामा आज आएको भीषण बाढीले कुखुराको फम र माछा तलाउ बगाउँदा १० लाख बराबरको क्षति भएको छ ।फम र तलाउको नजिकैबाट बग्ने महतेनिया र कोरिया खोलाले धार परिवर्तन गरि फममा रहेको ४ सय ५० वटा कुखुरा र तलाउमा रहेको (१०००) एक हजार पिस आधा केजी पुगेका माछा बगाउँदा १० लाख बराबरको क्षति भएको सो फमका संचालक भुपाल ओलीले जानकारी दिनु भयो ।बिहीबार बिहान अन्दाजी ४ बजेदेखि लगातार परेको पानीले ६ बजे उक्त फममा बाढी पसि हेर्दाहेर्दै पुरै कुखुरा र माछालाई बगाउनुका साथै फमको मुनिबाट लगाइएको वाल,तार जाली समेत भत्काएर पुरै क्षति पुराएको सो फमका संचालक ओलीले जानकारी दिनु भएको हो ।त्यस्तै यता चंगवा प्रहरी चौकीका प्रहरी इन्चार्ज आर्के सिंहसंग बुझ्दाँ ओलीले भने बमोजिमको क्षति भएको र अहिले सम्म उक्त क्षेत्रमा बग्ने खहरे खोलाहरुलाई समयमा सम्बन्धित सरोकारवाला निकायले नियन्त्रणको लागि तटबन्ध नलगाएकोले सो घटना घटेको र सयौं बिघा जग्गामा उत्पादन भएका अन्नबाली पुरै नस्ट भएर खेतबारी बगरमा परिणत भएको जानकारी दिनु भयो ।