टेकबहादुर पुन बुधबार, आषाढ २३, २०७८

दाङ । देउखुरीको सिसहनिया महादेवा जोड्ने नेपालकै दोस्रो लामो पुलको किनारा भत्किएको छ । राप्ती गाउँपालिकाको सिसहनिया र गढवा गाउँपालिकाको महादेवा जोड्ने पुलको किनारा भत्किएको हो ।

पुल क्रस गरे लगत्तै ग्राभेलले भरान गरि पिच गरिएको आधा सडकपनि भत्किदा आवात जावतमा खतरा बढेको छ । बुधबार बिहान अबिरल बर्षाका कारण दक्षिण चुरेबाट बगेर आउने खहरे खोलाले कटान गर्दै पिच समेत भत्काएको हो । बिहान करिब ९/१० बजेको समयमा पुलको किनारा भत्किएको स्थानिय राधेस्याम चौधरीले बताए । जसले गर्दा पुललाई नै असर पर्ने देखिएको छ ।

त्यस्तै किनारा जोगाउन गरिएको तट्बन्धलाई समेत भत्काउँदै सडक समेत भाँसिएको छ । पुलको दक्षिणी भेगको पुर्ब साईड पट्टी २५ मिटर लम्बाई र साढे ७ मिटर चौडा सडक भाँसिएको छ । अबिरल वर्षा सँगै राप्तीको बहाब बढेर पुलको दझिणी भेगबाट राप्ती बग्ने खतरा पनि देखिएको छ ।
करिब ६ महिना अघि मात्र निर्माण सम्पन्न भएको राप्ती पुलको किनारा भत्किदा अहिले एकतर्फी सडक सञ्चालनमा छ ।

अबिरल वर्षा नरोकिए आवात जावत ठप्प समेत हुन सक्ने देखिएको छ । केही महिना अघि मात्र प्रधानमन्त्री केपी शर्मा ओलीले उक्त पुलको बिधिवत उद्घाटन गरेका थिए । उद्घाटन पश्चात् चित्त नबुझ्दो भएको ठहर गर्दै स्थानियले शिलालेख समेत तोडफोड भएको थियो ।

टीम

संचालक: मेगमन बुढा
संपादक:कृष्णे घर्ती
निर्देशक:भानु जोशी
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,जयप्रकाश पौडेल
सम्बाददाताहरु: शिवराज खनाल,टोपेन्द्र खनाल,श्रबण बस्नेत

सामाजिक संजाल

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]