Rgs

mbd

Jmg

Rms

tvs

apb

दाङ । देउखुरीको एक सहकारीको रकम हिनामिना गरेको आरोपमा राप्ती गाउँपालिकाका अध्यक्ष नुमानन्द सुबेदीसहित २५ जनालाई प्रतिबादी बनाई अदालतमा मुद्दा दर्ता भएको छ । पाँच करोड बढी रकम हिनामिना गरेको आरोपमा दाङ देउखुरी जिल्ला अदालत दाङमा मुद्दा दर्ता भएको हो । जिल्ला प्रहरी कार्यालय दाङका प्रहरी नायव उपरीक्षक मुकुन्द प्रसाद रिजालका अनुसार राप्ती गाउँपालिका वडा नं. ८ स्थित देउखुरी बचत तथा ऋण सहकारी संस्थाका सदस्यहरुले सहकारीका कर्मचारी र पदाधिकारीलाई प्रतिबादी बनाउँदै मंगलबार मुद्दा दर्ता गरेका हुन् ।

त्यस्तै मुद्दा दर्ता पछि सहकारीका चार कर्मचारीसहित पाँच जना पक्राउ गरेको उनको भनाई छ । सहकारीका ऋण फाँटका प्रमुख ३३ बर्षीय प्रताप चौधरी, ऋण फिल्ड सहायक ३६ बर्षीय मनिराम भण्डारी, लेखापाल ३७ बर्षीय विकाश न्यौपाने, सह–लेखापाल २९ बर्षीय बिक्रम राना र उनकी २७ बर्षीया श्रीमती उषा राना थापा पक्राउ परेका छन् । बुधबारदेखि सुरु भएको बयान सकिए लगतै थुनछेक बहस सुरु हुने छ ।

यसैगरी सहकारी संस्थामा आबद्ध राप्ती गाउँपालिकाका अध्यक्ष नुमानन्द सुबेदीसहित २० जनालाई प्रहरीले फरारको सूचिमा राखेको छ । अध्यक्ष सुवेदी २०७१ सालदेखि सुरपरिबेक्षण समितिमा रहदै आएका थिए । केही बर्ष पहिले मात्रै चारवटा सहकारी मिलाएर देउखुरी बचत तथा ऋण सहकारी संस्था निर्माण गरिएको थियो । सहकारीको हिनामिना एक डेढ वर्ष अगाडी मुद्दालाई पुनः दायर गरिएको डिएसपी रिजालले बताए ।साभार तुलसीपुर अनलाइन