दाङ । आजदेखी १० दिनको लागि दाङमा लकडाउन थपिएको छ । शुक्रबार जिल्ला शंकट व्यबस्थापन केन्द्रको बसेको बैठकले जेठ २५ गतेसम्म लकडाउन थप्ने निर्णय गरेको हो । दाङका प्रमुख जिल्ला अधिकारी दीर्घनारायण पौडेलका अनुसार अब दैनिक विहान ६ बजेदेखि ८ बजेसम्म खाद्यान्नका लागि पसल सञ्चालन गरिने भएको छ । बैंकहरु भने पहिलेकै समय अनुसार सञ्चाला हुने छन् ।

त्यस्तै निर्माण सामाग्री दैनिक बेलुकी ६–९ बजे सम्म ढुवानी गर्न पाईने छ, भने गिट्टी, बालुवा, ढुङ्गा ढुवानी दैनिक बिहान ६ बजेदेखि बेलुका ६ बजे सम्म ओसार पसार तथा उत्खनन् गर्न पाईने भएको छ । यस्तै दाङका सिमेन्ट उद्योगका गाडीहरुले पनि सञ्चालन गर्न दिईने भएको छ । घोराही सिमेन्ट उद्योगका गाडी बेलुका ५ देखि राती १२ बजे र सोनापुर सिमेन्टको बिहान ९ देखि बेलुका ७ बजे सम्म सञ्चालन गर्न दिईने बैठकले निर्णय गरेको छ ।