mbd

Rms

nakb

mmsb

Rgs

Jmg

apb

tvs

दाङ । लमही नगरपालिकाले ९ वटै वडाका फुसका घर भएको छाना बिस्थापित गरि टिनका जस्ता पाता जेठ महिना भित्रमा लगाउने जनाएको छ ।

यस अघि २०७७ सालमा फारम भरेकाले मात्रै यस बर्ष लमही नगरपालिका भित्रका नाै वटै वडाहरुमा कुल ३४७ वटा फुसका घरहरुमा जस्तापाता लगाइने भएको हाे । प्रदेश सरकारकाे सुरक्षित नागरिक आवास कार्यक्रम ०७७ अर्तगत ती घरहरुमा ५०/५० हजार बराबरको लगानीमा जस्तापाता लगाइने भएको छ ।

त्यस्तै जाे अति बिपन्न अनि बर्षायाममा घरभित्र पानी चुहिएर बसिनसक्ने अबस्थामा नागरिकहरु हुनुहुन्छ उहाँहरुका लागि यस बर्ष बढि प्राथमिक्ता दिएर कार्यक्रम अगाडि बढाइएको बताइएको छ । यसैबिच शुक्रबार लमही न.पा.वडा नम्बर १ अर्न्तर्गतका गाउँहरुका कुल ५१ जना नागरिकहरुकाे घरहरुमा जस्तापाता लगाइने भएको छ । जस अर्तगत शुक्रबार पुनः उनिहरु लागि वडाले फारम भराएर नजिककाे बैंकहरुमा लाभग्राहि सबैले खाता खाेल्नका लागि १ हप्ता भित्रकाे समय अबधि दिएको छ ।

कुल १५० जनाले फाराम ०७७ सालमा भरेका मध्ये कुल ५१ जना मात्रै यस बर्ष छनाेटमा परेकाे र उनिहरुका लागि ५०/५० हजार रुपैयाँ सम्म रकम छुट्टयाइएको वडा नम्बर १ का अध्यक्ष नुमराज पाैडेलले जानकारी दिनु भयाे । साथै उहाँहरुका लागि पहिलो चरणमा ३०/३० हजार रुपैयाँ खातामा पठाइने छ अनि दोस्रो चरणमा २० हजार दिइने भएको वडा अध्यक्ष पाैडेलले बताउनु भयो । तर त्यसमा घर लम्बाई ,चाैडाइ,साइज हेरर मात्रै रकम दिइने भएको वडा अध्यक्ष पाैडेलकाे भनाइलाई उद्रित गर्दै लमहीबाट पत्रकार श्रवण बस्नेतले जानकारी दिनु भएको छ ।