३१ आषाढ २०८३, बुधबार
Mbf
dpm
snmbs
Dbc
Snmbs
Snmbs
rgs
Ges
Amb
Pbu
Gesld
Sdc
Dpm
निराजन यादव मंगलबार, आषाढ ३०, २०८३
दाङ । सामुदायिक प्रहरी साझेदारी कार्यक्रम अन्तर्गत इलाका प्रहरी कार्यालय गढवाको आयोजनामा लैङ्गिक हिंसा न्यूनीकरण सम्बन्धी सचेतनामूलक कार्यक्रम मंगलबार सम्पन्न भएको छ ।
गढवा गाउँपालिका–६, गढवामा आयोजित कार्यक्रममा स्थानीय भद्रभलादमी, समाजसेवी तथा सरोकारवालाहरूको उल्लेखनीय सहभागिता रहेको थियो । कार्यक्रममा लैङ्गिक हिंसाको रोकथाम, महिला तथा बालबालिकाको अधिकार, घरेलु हिंसाका कानुनी पक्ष,हिंसा न्यूनीकरणका उपाय तथा समुदायको भूमिकाबारे जानकारी प्रदान गरिएको थियो । सहभागीहरूले यस्ता सचेतनामूलक कार्यक्रमले समाजमा सकारात्मक सन्देश प्रवाह गर्दै हिंसामुक्त समाज निर्माणमा महत्वपूर्ण योगदान पुग्ने विश्वास व्यक्त गरेका थिए ।
त्यस्तै,इलाका प्रहरी कार्यालय गढवाले समुदायसँगको सहकार्यलाई थप प्रभावकारी बनाउँदै आगामी दिनमा पनि यस्ता जनचेतनामूलक कार्यक्रमलाई निरन्तरता दिने जनाएको छ ।
