Vor

Rgu

Tsm

Ksm

Bbbpu

Ssm

Hal

Asm

Bbu

nsb

Rgu

Sls

Ggd

Rsb

Rgs

Pvg

Wsp

Sbs

Gst

Rpp

Ptm

Jmb

Jmb

Mks

Pls

Rmb

sab

Syp

Bml

Abd

bbt

Gsb

दाङ । तुलसीपुर स्थित टरिगाउँ विमानस्थलका लागि २५ करोड बिनियोजन भएको छ । संस्कृति, पर्यटन तथा नागरिक उड्डयन मन्त्रालयको बार्षिक बजेटमा उक्त विमानस्थलकालागि २५ करोड समावेश भएको हो ।

यो बजेटले विमानस्थलको धावन मार्गलाई २५ सय मिटरसम्म विस्तार गर्न जग्गा ब्यबस्थापन लगायत अन्य पूर्वाधारको ब्यबस्थापन गर्न उक्त बजेट बिनियोजन गरिएको दाङ ३ का प्रतिनिधिसभा सदस्य कमल सुवेदीले बताए । उनका अनुसार विमानस्थललाई बहुबर्षिय बनाएर स्तरबृद्धि गरिनेछ ।

त्यस्तै,उक्त विमानस्थलमा विगतमा ठूलो बजेट आउन सकेको थिएन । जसले गर्दा उक्त विमानस्थल विस्तार हुन सकको थिएन । हाल उक्त विमानस्थलको धानवमार्ग ७ सय ५० मिटर मात्रै छ । जसले गर्दा ठूला जहाज बस्न सकेका थिएनन् । हाल १९ सिटे टुइनेटर मात्रै अवतरण गर्छ ।

हप्तामा चार दिन उडान भर्ने भनिएपनि नियमित हुन सकेको छैन । धावन मार्ग विस्तार गरेमा ठूला जहाज बस्ने र नियमित उडान भर्न सक्ने भन्दै यस क्षेत्रका सरोकारवालाले पटक–पटक पहल गर्दै आएका थिए । टरिगाउँमा नियमित हवाई उडान नहुँदा यस क्षेत्रका यात्रुहरु नेपालगञ्ज वा भैरहवा जाने गरेका छन् ।

यस्तै,टरिगाउँ विमानस्थल २०११ सालमा स्थापना भएको हो । जुन पुरानो मध्येको विमानस्थल हो । कुनै बेला टरिगाउँबाट नेपालगञ्ज, रुकुमको चौरजहारी र मुसिकोट समेत जान्थे ।