Asm

Wsp

nsb

Rsb

Sls

Bbu

Sbs

Vor

Rgu

Bbbpu

Rgu

Tsm

Gst

Ggd

Ssm

Rgs

Pvg

Ksm

Hal

Jmb

Pls

Abd

Ptm

sab

Gsb

Syp

Jmb

bbt

Bml

Rmb

Mks

Rpp

दाङ । लुम्बिनी प्रदेशका मुख्यमन्त्री चेतनारायण आचार्य ले बकर ईद (ईद–उल–अज्हा) पर्वले समाजमा प्रेम, सद्भाव, सहिष्णुता र भाइचाराको भावना थप प्रगाढ बनाउने विश्वास व्यक्त गरेका छन् ।

बकर ईदको अवसरमा बिहिवार शुभकामना सन्देश जारी गर्दै मुख्यमन्त्री आचार्यले नेपाल विविध भाषा,धर्म,संस्कृति र परम्पराले समृद्ध मुलुक भएको उल्लेख गरेका हुन् । उनले विभिन्न समुदायले मनाउने चाडपर्वहरूले सामाजिक सद्भाव, आपसी विश्वास तथा राष्ट्रिय एकतालाई सुदृढ बनाउँदै आएको बताए ।

मुख्यमन्त्री आचार्यले लुम्बिनी प्रदेश सरकारले सबै धर्म, संस्कृति र परम्परालाई समान सम्मान गर्दै मौलिक भाषा, कला तथा सांस्कृतिक सम्पदाको संरक्षण र प्रवद्र्धनलाई प्राथमिकतामा राखेर काम गरिरहेको उल्लेख गरे । उनले त्याग, बलिदान, मानव सेवा र परोपकारको सन्देश दिने बकर ईद पर्वले समाजलाई अझ सहिष्णु, सभ्य र एकताबद्ध बनाउन प्रेरणा दिने विश्वास व्यक्त गरे ।

विविधताको सम्मान र सांस्कृतिक सहअस्तित्वबाट मात्रै समृद्ध समाज निर्माण सम्भव हुने धारणा उनले व्यक्त गरेका हुन् । मुख्यमन्त्री आचार्यले मौलिक संस्कृति, भाषिक पहिचान र धार्मिक परम्पराको जगेर्नामार्फत समृद्ध लुम्बिनी प्रदेश निर्माणमा सबै समुदायको सक्रिय सहभागिता आवश्यक रहेको बताए । शुभकामना सन्देशमार्फत उनले बकर ईदको पावन अवसरले सम्पूर्ण नेपालीमा सुख,शान्ति,समृद्धि,सु–स्वास्थ्य र आपसी एकताको भावना अभिवृद्धि गरोस् भन्ने कामना गरे ।