Rsb

Sbs

Rgu

Bbbpu

Ggd

Pvg

Vor

nsb

Hal

Ssm

Rgu

Rgs

Asm

Ksm

Sls

Wsp

Bbu

Tsm

Gst

bbt

Pls

Rmb

Abd

Syp

Jmb

Ptm

Gsb

Rpp

Bml

Mks

sab

Jmb

दाङ । लमही नगरपालिकाका प्रमुख जोगराज चौधरी ले लमही अस्पताललाई थप सेवामैत्री, व्यवस्थित र नागरिकको भरोसाको केन्द्रका रूपमा विकास गर्न अस्पतालमा कार्यरत सम्पूर्ण कर्मचारीलाई जिम्मेवार र संवेदनशील भएर काम गर्न निर्देशन दिएका छन् ।

आज लमही अस्पतालमा आयोजित बैठकलाई सम्बोधन गर्दै प्रमुख चौधरीले अस्पतालमा उपचारका लागि आउने प्रत्येक बिरामीले सहज, सरल र गुणस्तरीय सेवा पाउने वातावरण निर्माण गर्नुपर्नेमा जोड दिए । उनले अस्पताल केवल उपचार गर्ने थलो मात्र नभई नागरिकको आशा र विश्वासको केन्द्र भएकाले सेवा प्रवाहमा कुनै पनि कमजोरी हुन नहुने बताए ।

नगर प्रमुख चौधरीले पछिल्लो समय अस्पतालका विषयमा बाहिर विभिन्न किसिमका टीका–टिप्पणी आउने गरेको उल्लेख गर्दै त्यस्ता कुराबाट विचलित नभई आफ्नो जिम्मेवारीप्रति इमान्दार भएर काम गर्न कर्मचारीलाई आग्रह गरे । “हामीले आलोचनाभन्दा कामलाई प्राथमिकता दिनुपर्छ, राम्रो सेवा दिएपछि जनताले स्वतः अनुभूति गर्नेछन्,” उनले भने ।

त्यस्तै,उनले लमही अस्पतालले सीमित स्रोत–साधनका बाबजुद नागरिकलाई निरन्तर स्वास्थ्य सेवा प्रदान गर्दै आएको भन्दै अस्पतालका चिकित्सक, स्वास्थ्यकर्मी तथा कर्मचारीहरुको योगदानको प्रशंसा समेत गरे । पछिल्ला वर्षहरुमा अस्पतालप्रति नागरिकको भरोसा बढ्दै गएको र सेवा विस्तारसँगै बिरामीको चाप समेत बढिरहेको उल्लेख गर्दै उनले अस्पताललाई थप प्रभावकारी बनाउन नगरपालिका प्रतिबद्ध रहेको धारणा राखे ।

कार्यक्रममा लमही नगरपालिकाका नवनियुक्त प्रमुख प्रशासकीय अधिकृत श्रीधर केसीलाई स्वागत गरिएको थियो । कार्यक्रममा बोल्दै प्रमुख प्रशासकीय अधिकृत केसीले स्वास्थ्य क्षेत्र नागरिकसँग प्रत्यक्ष जोडिएको संवेदनशील क्षेत्र भएकाले अस्पतालको व्यवस्थापन, सेवा गुणस्तर र प्रशासनिक सुधारमा आफूले विशेष ध्यान दिने बताए ।