Rsb

Sls

Asm

Gst

Wsp

nsb

Ggd

Pvg

Vor

Bbu

Rgs

Ssm

Hal

Tsm

Bbbpu

Ksm

Rgu

Sbs

Rgu

Rmb

Abd

bbt

Rpp

Mks

Ptm

Syp

sab

Gsb

Bml

Jmb

Pls

Jmb

दाङ । “१३७ औँ अन्तर्राष्ट्रिय मजदुर दिवस” को अवसरमा दाङको राप्ती गाउँपालिकामा निःशुल्क विशेषज्ञ स्वास्थ्य शिविर सम्पन्न गरिएको छ ।

गाउँपालिकाको आयोजनामा वडा नम्बर ५ कालापानीस्थित राप्ती आधारभूत अस्पतालमा सञ्चालन गरिएको उक्त शिविरबाट १ सय ३८ जना सेवाग्राहीले स्वास्थ्य परीक्षण, उपचार तथा परामर्श सेवा लिएका छन् ।

शिविरमा आँखा,नाक,कान तथा घाँटी सम्बन्धी परीक्षण,श्रवण शक्ति परीक्षण,रगत तथा पिसाब परीक्षणलगायतका सेवा प्रदान गरिएको थियो। साथै हाडजोर्नी तथा नसासम्बन्धी समस्याबाट पीडित बिरामीहरुलाई विशेषज्ञ चिकित्सकमार्फत परामर्श तथा उपचार सेवा उपलब्ध गराइएको थियो ।

त्यस्तै शिविरमा वरिष्ठ नाक,कान तथा घाँटी रोग विशेषज्ञ डा.के.बी.श्रेष्ठ,डा.विशेष रेग्मी तथा हाडजोर्नी तथा नसारोग विशेषज्ञ डा.राजकृष्ण श्रेष्ठ,तिलगंगा आँखा उपचार केन्द्र सिसहनियाँका इन्चार्ज बिमल बिसीलगायतका चिकित्सकहरुको सहभागिता रहेको थियो ।

गाउँपालिकाका अध्यक्ष प्रकाश विष्टले मजदुरहरुको स्वास्थ्य अवस्थालाई ध्यानमा राख्दै यस्ता कार्यक्रमले प्रत्यक्ष लाभ पुगेको बताए । उनले आगामी दिनमा समेत श्रमिक लक्षित स्वास्थ्य सेवा कार्यक्रमलाई निरन्तरता दिने प्रतिबद्धता व्यक्त गरे ।