Vor

Rsb

Asm

Rgu

Hal

Rgu

Tsm

Sls

Wsp

Ksm

Sbs

Bbu

Ssm

Pvg

Bbbpu

nsb

Rgs

Ggd

Gst

Jmb

Rmb

Jmb

Rpp

bbt

Bml

sab

Mks

Abd

Ptm

Pls

Syp

Gsb

काठमाडौँ। नेपाली कांग्रेसका सभापति गगन थापाले सर्वोच्च अदालतको पछिल्लो निर्णयले पार्टीभित्र एकताबद्ध भएर अघि बढ्ने बताएका छन् ।

शुक्रबार अबेला आएको सर्वोच्च अदालतको फैसलापछि शनिबार बिहान सामाजिक सञ्जालमार्फत प्रतिक्रिया दिँदै थापाले उक्त निर्णयलाई जित–हारको विषय नभई विधि, प्रक्रिया र लोकतान्त्रिक अभ्यासको पक्षमा भएको स्पष्ट पारेका छन् ।

सम्मानित सर्वोच्च अदालतको निर्णयले पार्टीका सबै साथीहरूलाई एकताबद्ध बनाउँदै पार्टीलाई फेरि बलियो बनाउने साझा यात्रामा अघि बढ्ने वातावरण बनाएको छ, उनले लेखेका छन्, ‘यो कुनै जित–हारको विषय होइन, विधि, प्रक्रिया र लोकतान्त्रिक अभ्यासको विषय हो ।’

उनले देशभित्र वा बाहिर रहेका पार्टी सदस्य तथा शुभेच्छुकहरूलाई आ–आफ्नो स्थानबाट पार्टीको एकता र पुनर्जागरणका लागि जिम्मेवारीका साथ सकारात्मक भूमिका खेल्न आह्वान गरेका छन् । साथै, पार्टी सभापतिको हैसियतले यस प्रक्रियामा सबैभन्दा ठूलो जिम्मेवारी आफ्नो रहेको उल्लेख गर्दै सक्रिय रूपमा लाग्ने प्रतिबद्धता जनाएका छन् ।

पन्ध्रौँ महाधिवेशनको प्रक्रिया अघि बढिसकेको जनाउँदै थापाले यसलाई सफल पार्दै पार्टीलाई रूपान्तरण र सुदृढ बनाउने अवसरका रूपमा उपयोग गर्न आग्रह गरेका छन् ।

अग्रजहरूको योगदानको सम्मान गर्दै नयाँ पुस्ताको आकाङ्क्षा सम्बोधन गर्न सक्ने तथा समुन्नत नेपाल निर्माणमा योगदान दिने पार्टी बनाउन सबै एकताबद्ध भएर अघि बढ्न आह्वान गरेका छन् ।