apb

tvs

सुर्खेत । व्यवस्थित बसोबासको माग गर्दै कर्णाली प्रदेशको मुख्यमन्त्री कार्यालय अगाडि धर्नामा बसेका वादी समुदाय बिरामी पर्न थालेका छन् ।

जेष्ठ नागरिक,महिला तथा बालबालिका बिरामी पर्न थालेका हुन् । खुल्ला चौरमा चार दिनदेखि दिनरात धर्नामा बसेका उनीहरू बिरामी पर्न थालेका वादी समुदायका अगुवा हिकमत वादीले जानकारी दिनु भयो।

त्यस्तै हिकमतका अनुसार उनीहरुमा झाडापखाला, रुघाखोकी र ज्वरोको समस्या देखिएको छ । ‘दिउँसोको चर्काे घाम र रातिको चिसोले पनि होला झाडापखाला, रुघाखोकी र ज्वरोका बिरामी बढेका छन्,उहाँले भन्नु भयो । आज दिउँसो त केही महिला एक्कासी बेहोस भए, राम्रोसँग खान नपाउँदा पनि समस्या भएको छ । बिरामी परेका केहीको कर्णाली प्रदेश अस्पताल सुर्खेतमा उपचार भइरहेको उहाँले जानकारी दिनु भयो ।

यस्तै खेती गर्न स्थायी लालपूर्जा सहितको जमिन बस्नका लागि घर र रोजगारीको माग गर्दै दैलेख र कालिकोटका वादी समुदायहरू कर्णाली प्रदेशको मुख्यमन्त्री कार्यालय अगाडिको खुला चौरमा धर्नामा बस्दै आएका छन् ।