Gsb

Ssb

Usb

Tsb

Hl1

ptl

Rgu

Nps

काठमाडौं । डेडिकेटेड र ट्रङ्कलाइन प्रयोग गरेर त्यसवापतको विद्युत महशुल बक्यौता नतिर्ने थप १८ वटा उद्योगको लाइन काटिएको छ । नेपाल विद्युत प्राधिकरणले डेडिकेटेड लाइनको महशुल विवाद नसुल्झिएपछि शुक्रवार साँझ ती उद्योगहरुको लाइन काटेको हो ।

त्यस्तै सरकारी स्वामित्वका उदयपुर सिमेन्ट र हेटौँडा सिमेन्टबाहेक विवाद कायम रहेका सबै उद्योगको लाइन काटिएको प्राधिकरणका प्रवक्ता राजन ढकालले जानकारी दिए । अहिले विवाद रहेकामध्ये १४ वटा उद्योगले महसुलको पहिलो किस्ता बुझाएका छन् । यस्तै,डाबर नेपाल र सुदूरपश्चिम हवाई कार्यालयले यसअघि बुझाएको धरौटी रकम किस्ता तिर्न पर्याप्त भएकाले उनीहरूको लाइन काटिएको छैन ।

यसैगरी,अरिहन्त मल्टिफाइबर,रघुपति जुट मिल, बाबा जुट मिल,युनाइटेड सिमेन्ट प्रालि, मारुती सिमेन्ट र पोलिप्याक्स गरी ६ वटा उद्योग अदालत गएकाले अदालतको आदेशअनुसार उनीहरु को लाइन पनि काटिएको छैन । असोज १० गते बसेको प्राधिकरण सञ्चालक समिति बैठकले विवादित महशुल उठाउने निर्णय गरेपछि प्राधिकरणले उद्योगहरु लाई असोज २ गतेसम्मको समय दिएको थियो। तर,उद्योगीहरुले प्राधिकरणले तोकेको महशुल अन्यायपूर्ण भएको भन्दै नतिर्ने घोषणा गर्दै आएका छन्।

कार्तिक ४ गते जगदम्बा स्टिल,रिलायन्स स्पिनिङ मिल्स, शिवम् सिमेन्ट,घोराही सिमेन्ट,अर्घाखाँची सिमेन्ट इन्डष्ट्रिज र त्रिवेणी स्पिनिङ मिल्स गरी ६ वटा उद्योगको लाइन काटिएको थियो । प्राधिकरणले बाँकी उद्योगहरुलाई तत्काल महसुलको पहिलो किस्ता बुझाउन चेतावनी दिएको थियो । तर,उनीहरु किस्ता तिर्न नआएपछि लाइन काटिएको प्राधिकरणले जनाएको छ ।