mmsb

nakb

Jmg

Rgs

Rms

mbd

apb

tvs

दाङ । दाङको नारायणपुर सव डिभिजन वन कार्यालयले करिब ३० क्वीफिट अवैध सालको काठ पक्राउ गरेको छ । नारायणपुर सव डिभिजन वन कार्यालय दाङको गस्ती टोलीले घोराही उपमहानगरपालिका १२ स्थित पिरीगाँउ भन्ने स्थानबाट साल जातको ६ थान गोलिया र ११ थान चिरान गरी १७ थान टुनटुक्रा गोलिया तथा चिरान काठको जम्मा २९.२८ क्युफिट सालको काठ बरामद गरेको हो ।

त्यस्तै बरामद गरिएका काठ र कटान कार्यमा प्रयोग भएका हातहतियार डिभिजन वन कार्यालयको गस्ती टोलीले नियन्त्रणमालिई आवश्यक अनुसन्धान कार्यका लागि डिभिजन वन कार्यालय घोराहीमा राखेको छ । यस घटनामा संलग्न मानिसहरुले लगाएका लत्ता कपडा,काठ चिरानमा प्रयोग गरिएका हाते आरा ३ थान,वन्चरो ३ थान,फलामको खन्ती १ थान, मार्किङ्ग डोरी कालो रंगको २ थान,कुटो १ थान, गिरान आरा १ थान बरामद भएको छ ।

यस्तै वन गस्ती टोलीलाई देखेर कटान कार्यमा संलग्नहरु भागेको स्थानियहरुले वताएका छन् । संलग्नहरुको खोजी कार्य भईरहेको डिभिजन वन कार्यालयका सुचना अधिकारी खिम बहादुर केसीले जानकारी दिनु भयो ।