Rubs

Dubs

Gsbush

Gubs

Rgss

Gyanjoti fs

EBG

Omnm sivay

Sds

Rmb

Pujara

Asbns

Aab

Kvjn

Sab

Jmb

Jmsld

Snmb

Jmsld1

Sankar mb

Asbus

Mmsb

Jmb

दाङ । दंगिशरण गाउँपालिका वडा नम्बर –३ रावतगाउँ स्थित गुरबाबा बहुउद्देश्यिय सहकारी संस्थाले किसानहरुलाई उत्पादन र स्वरोजगारमा जोड्दै गरेको पाइएको छ । २०७० सालमा सहकारी डिभिजन कार्यालय दाङबाट बैधानिक मान्यता पाएको यस सहकारी संस्थाले छोटो समयमै ब्यवसायिक कृषि फर्म र बिऊ उत्पादनको कामलाई तिब्रताका साथ अगाडी बढाएको संस्थाका अध्यक्ष तकबहादुर चौधरीले बताए ।

हाम्रो सहकारीमा ६ हजार बढी शेयर सदस्यहरु जोडिनु भएको छ, सबैजसो कृषि पेशामै आश्रीत हुनुहुन्छ । हामी हाम्रा शेयर सदस्य किसानहरुलाई सहकारी संस्था मार्फत आत्मनिर्भर बनाउन उत्पादन र रोजगारमा जोड दिएका छौं–चौधरीले भने ।
सो सहकारी संस्थाले निक्षेप संकलन तथा ऋण लगानी संगै गुरबाबा पशुपंक्षी तथा कृषि स्रोत केन्द्र संचालन गरेको छ । जहाँ बंगुर, माछा, लोकल कुखुरा, र माहुरी पालन ब्यवसायिक रुपमै उदाहरणीय ढंगले सञ्चालन गरेको पाइएको छ भने लोकल कुखुराका अण्डा तथा माहुरीबाट मह उत्पादन गरेर मनग्गे आम्दानी गरेको छ ।

संगसंगै सो सहकारीले बंगुरपालन गरेर बंगुरका पाठा–पाठीलाई काठमाडौ, बर्दिया र पोखराको बजारमा बिक्रीगरी प्रसस्त आम्दानी लिन सफल भएको संस्थाका ब्यवस्थापक बालुराम चौधरीले भने । आगामी दिनमा अन्य कामहरुसंगै बंगुरपालन ब्यवसायलाई थप प्रभावकारीता दिने संस्थाको योजना रहेको उनले बताए । यस सहकारी संस्थाले किसानहरुलाई मलखाद र बिऊ विजनहरुको सुविधा प्रदान गर्नुको साथै रेमिट्यान्स कारोबार पनि गरेको छ ।

त्यस्तै बिगत ३ बर्ष अगाडीदेखि सहकारीमा आवद्ध किसानहरुलाई आत्मनिर्भर र स्वरोजगार बनाउन गहुँ, राजमा र तोरीको बिऊ खेति गर्न थालिएको छ । गतबर्ष र यो बर्ष पनि ४५ जना किसानहरुले २७ बिगाह क्षेत्रफलमा गहुँको बिऊ खेति गरेका छन् । कृषि ज्ञान केन्द्रको ५० प्रतिशत अनुदानमा थप १५० कठ्ठा क्षेत्रफलमा गहुँको बिऊ खेति गरिएको छ ।

लुम्बिनी प्रदेश सरकारको बिऊ बिजन प्रयोगशाला बाँके खजुरा र देउखुरीको सुर्योदय कृषक बहुउद्देश्यिय सहकारी संस्थाको टोली हाम्रो खेतहरुमा आएर बिऊ वालीको स्थलगत निरिक्षण गरिसकेको छ, बिऊ खेतिबाट हाम्रा किसानहरु स्वरोजगार र आत्मनिर्भर बनेका छन्– उक्त सहकारी संस्थाका पूर्व अध्यक्ष तथा हालका कोषाध्यक्ष सुकदेव चौधरीले भने । बिऊ भण्डारणका लागि गोदाम घर र बिऊ गे्रडिङ मसिन समेत जडान गरिसकेका छौं–उनले भने । तिन सय पचास बढी समूहहरु बचत संकलनमा जोडिनु भएको छ ।

त्यस्तै धेरै लगानी कृषि फर्म र बिद्यालयमा छ तथापी सहकारीबाट शेयर सदस्यहरुले जुन उद्देश्यमा ऋण लिनुहुन्छ सोही उद्देश्यमा नै ऋणको सदुपयोग भएको छ’–उनले भने । यतिमात्र होइन सहकारीले गोल्डेन पाथ एकेडमी समेत सञ्चालन गरेको छ । हाल कक्षा ८ सम्म सञ्चालन गरिएको सो विद्यालयमा दुईसय ४० जना विद्यार्थीहरुले पठन–पाठन गरिरहेका र विद्यार्थीहरुलाई सैद्धान्तिक ज्ञानसँगै प्रयोगात्मक सिकाइ अभ्याससमेत गराइने संस्थाका ब्यवस्थापक बालुराम चौधरीले बताए ।

यस्तै कक्षा ४ देखि माथिका सबै विद्यार्थीहरुलाई सहकारीको आफ्नै कृषि फर्म र खेतबारीमा लगेर अभ्यास गराइने गरेको विद्यालयका प्रिन्सिपल बालुराम चौधरीले बताए । उनले भने– ‘सहकारी संस्थामा १२ जना र विद्यालयमा १४ जना गरी कूल २६ जनालाई शिक्षक कर्मचारी राखी रोजगारमा जोडेका छौं ।’