दाङ । लमहीमा मोटरसाईकल र स्कुटी एकआपसमा थोक्किएर दुर्घटना हुँदा ४ जना घाईते भएका छन् ।

मंगलबार बेलुका साढे ४ बजे लमहीको अस्पताल चोकमा पुर्बतर्फ जाँदै गरेका मोटरसाईकल र स्कुटी थोक्किएर दुर्घटना हुँदा ४ जना घाईते भएका हुन् । लमही बजारबाट टिकुलीगढ तर्फ जाँदै गरेको रा ४ प ५३४१ नम्बरको स्कुटि र सोहि दिशा तर्फ जाँदे गरेको रा ५ प १७०९ नम्बरको मोटरसाईकल लमही नगरपालिका वडा नम्बर-४ अस्पताल चोकमा एकआपसमा ठोक्किदा दुर्घटना भएको हो ।

त्यस्तै दुर्घटनामा परी मोटरसाईकल चालक लमही -३ टिकुलीगढ बस्ने बर्ष ४३ का दिपेन्द्र वलि,पछाडी सवार बलीकि छोरी वर्ष ९ कि प्रियंका वलि, स्कुटि चालिका लमही-५ बस्ने वर्ष ३५ कि सरिता भुसाल र उनकि छोरी पछाडी सवार वर्ष १० कि साईसा भुसाल घाईते भएका छन् । घाईते चारैजनाको लमही अस्पतालमा उपचार भईरहेको वडा प्रहरी कार्यालय लमहीका प्रमुख प्रहरी निरीक्षक प्रकाश भुषालले जानकारी दिए ।