रुपन्देहीको तिलोत्तमा नगरपालिकाले दैनिक ज्याला मजदुरीबाट छाक टार्नुपर्ने परिवारलाई चामल, दाल र नुन वितरण गर्ने भएको छ ।
लकडाउनका बेला मदजुरी बन्द भएपछि परिवारले खानै नपाउने अवस्था आउन सक्ने देखेपछि नगर क्षेत्रभित्रका विपन्न मजदुरका परिवारलाई १० किलोग्राम चामल, दुई किलो दाल र एक किलो नुन वितरण गर्न लागिएको नगरपालिकाले जनाएको छ । नगरप्रमुख बासुदेव घिमिरेले बिहीबार बसेको नगर कार्यकारी समितिको बैठकले त्यस्तो निर्णय गरेको बताए ।
उनका अनुसार लकडाउनका कारण रोजगारी गुमाएका विपन्न परिवारको संख्या नगरक्षेत्रमा ८ सयको हाराहारीमा छ । सम्बन्धित वडा कार्यालयको सिफारिसमा मजदुरका घरघरमै खाद्यन्न पु¥याउने व्यवस्था मिलाएको अध्यक्ष घिमिरेको भनाइ छ ।