Shivsabari

Lnp1

Ggp1

Lnp2

Lnp3

Lnp5

Lnp9

Ggp4

Ggp6

Lnp-8

Ggp3

Ggp2

Ggp5

दाङ । देउखुरीको लमही नगरपालिका वडा नम्बर ६,देउपुर स्थित देउखुरी पब्लिक स्कुलले तीज विशेष कार्यक्रम शुक्रबार सम्पन्न गरेको छ ।

विद्यालयकी शिक्षिका सिमा पोख्रेल भुसालको अध्यक्षता तथा लमही नगर शिक्षा शाखाकी प्रतिनिधि अम्बिका शर्माको प्रमुख आतिथ्यतामा कार्यक्रम सम्पन्न भएको हो ।कार्यक्रमका प्रमुख अतिथि शर्माले विद्यालयका विद्यार्थीहरु लगायत अभिभावकले आफ्नो गुनियो, चोली,साडी लगाएर आफ्नो भेषभूषालाई विषेश प्राथमिकता दिएरको पाउदा आफू अत्यन्तै खुशी भएको बताइन् । यस्तै उनले आजको युगमा हरेक बालबालिकालाई सैद्धान्तिक ज्ञानसंगै व्यवहारिक ज्ञानदिन आवश्यक रहेकोे र त्यो आफुले देउखुरी पब्लिक स्कुलमा पाएकोमा असाध्यै खुशी भएको समेत बताइन् ।

कार्यक्रममा विद्यालयका प्रधानाध्यापक भु-माण्डप केसीले देउखुरी पब्लिक स्कुल अन्य विद्यालयको तुलनामा भन्दा फरक किसिमले संचालन भइरहेको बताएका छन् । आफ्नो स्कुलमा सैद्धान्तिक ज्ञानसंगै व्यवहारिक ज्ञानलाई जोडेर एउटा छुट्टै नमूना विद्यालयको रुपमा संचालन गर्ने योजनाका साथ अघि बढेको बताए ।त्यस्तै उनले सम्पूर्ण अभिभावकलाई देउखुरी पब्लिक स्कुलमा आफ्नो बालबच्चालाई निर्धक्क भएर पढाउन समेत आग्रह गरे । विद्यालयले प्रत्येक हप्ताको शुक्रबार अतिरिक्त क्रियाकलापलाई समेत जोडेर शिक्षण सिकाइको पठनपाठनलाई अघि बढाइरहेको बताए । हामीले विद्यार्थीको मनोभावनालाई बुझेर भविष्यमा उ के बन्न चाहन्छ, त्यहीँ आधारमा शिक्षा प्रदान गर्ने वातावरण मिलाउने कार्यक्रम विद्यालयले गरेको केसीले बताए ।

कार्यक्रममा डान्स च्याम्पियन सिजन टुबाट टप ६ मा पुग्न सफल कक्षा ६ मा अध्ययनरत देउखुरी पब्लिक स्कुलकी रजिना चौधरी,कक्षा ६ मा अध्ययनरत रोजि माविकी सम्भावना बिके,कक्षा ५ मा अध्ययनरत सनलाईट माविकी खुशी विश्वकर्माले संयुक्त रुपमा आफ्नो प्रस्तुति प्रस्तुत गरेकी थिइन् ।त्यस्तै कार्यक्रममा विद्यार्थी र अभिभावकहरुले आफ्ना तीज सम्बन्धि प्रस्तुतिहरु राखेका थिए । उक्त कार्यक्रममा विभिन्न प्रतियोगिता कार्यक्रमबाट पहिलो,दोस्रो,तेस्रो तथा सान्त्वना भएका विद्यार्थीहरुलाई अबिर,दोसल्ला ओढाएर पुरस्कार समेत वितरण गरिएको थियो । विद्यालयका सम्पूर्ण विद्यार्थी,शिक्षक- शिक्षिका र महिला अभिभावकहरुको उपस्थितिमा सम्पन्न भएको’तीज विशेष कार्यक्रमको संचालन शिक्षक सन्दीप खनालले गरेका थिए ।