Gsb

Hl1

Ssb

Usb

Tsb

Rgu

Nps

ptl

दाङ । राष्ट्रिय परीक्षा बोर्डले शुक्रबार सार्वजनिक गरेको कक्षा १२ को नतिजामा गोरखा उमावि घोराहीका उत्सव घिमिरे देशकै उत्कृष्ट अंक ल्याएर उत्तीर्ण भएका छन् ।

गत बैशाख १४ गते भएको २०८० को कक्षा १२ को बोर्ड परीक्षामा उत्सवले ३.९६ जिपिए प्राप्त गरी देशकै उत्कृष्ट भएको विद्यालयका प्रधानाध्यापक मानसिंह घर्तीले दावी गरेका छन् । घोराही उपमहानगरपालिका वडा नम्बर १८ नवलपुर निवासी उत्सव पढाइमा कक्षा १२ सम्मै सधै प्रथम भएको प्रधानाध्यापक घर्तीले बताए । उत्सव एसइइमा पनि जिल्ला प्रथम भएका थिए ।

त्यस्तै राष्ट्रिय परीक्षा बोर्डले शुक्रबार सार्वजनिक गरेको कक्षा १२ को परीक्षामा गोरखा सेकेन्डरी स्कुल तुलसीपुरले ब्यवस्थापन संकायमा जिल्ला उत्कृष्ट नतिजा ल्याएको विद्यालयले दाबी गरेको छ । ब्यवस्थापन संकाय प्रमुख डम्बर डाँगीका अनुसार गोरखा तुलसीपुरबाट कोमल केसी ३.८५ जीपीए ल्याएर जिल्ला प्रथम भएका छन् । यो सहित विद्यालयले लगातार तीन वर्षसम्म जिल्ला प्रथम हुन सफल भएको उनको दाबी रहेको छ ।