jmb

nkpm

RppdA

Jmbp

Rspls

Rkkc

Unku

Smbk

Jmbg

Rgup

SAbk

SDBS

NKS

sbsg

Vim

Ggp3

Lkpuss

Ggp4

Lnp5

Jmb

Lnp1

Ggp1

Lnp9

Ggp5

Ggp6

Lnp3

Lnp2

Ggp2

Lnp-8

दाङ । बैदेशिक रोजगारीमा विश्वका बिभिन्न मूलूकहरुमा कार्यरत नेपालीहरुको साझा संस्था गैह्र अवासीय नेपाली संघले विदेशको उपहारः सरकारी बिद्यालयका बिद्यार्थीहरुलाई सेनेटरी प्याड वितरण अभियान ल्याएको छ ।

सोमवार दाङको गढवा स्थित वालकल्याण आधारभूत बिद्यालयमा अध्ययनरत दुई सयको हाराहारी छात्राहरुलाई एक कार्यक्रमका बिच सोहि अभियान अन्तर्गत सेनेटरी प्याड वितरण गरिएको संघका समन्वयकर्ता रामप्रसाद बञ्जाडेले जानकारी दिए । सोहि बिद्यालयका पूर्व शिक्षक तथा संघका समन्वयकर्ता बिमला पन्थीले सरकारी बिद्यालयका विद्यार्थी छात्राहरुलाई सेनेटरी प्याड वितरण गर्ने अभियान अन्तर्गत आफूले पढाएको बिद्यालयबाट यो अभियान थालनी गरिएको बताए ।

छात्राहरु मिन्स्योरेन्स भएको वेला शारीरिक सरसफाईकालागि सेनेटरी प्याड प्रयोग गर्नुपर्छ भन्ने अभियानबाट बिद्यार्थीहरु मार्फत सचेतनाको जागरणकालागि बिपन्न र सिमान्तकृत वर्गका नागरिकहरुका छोराछोरीहरुले पढ्ने सरकारी बिद्यालयमा यस्तो कार्यक्रम ल्याइएको उनले बताए । सोमवार सो बिद्यालयका प्रअ ताराप्रसाद ढुंगानाको सहजीकरणमा गढवा गाउँपालिका शिक्षा समितीका सदस्य तथा वडा नम्बर ६ का वडा सदस्य दिनमणी आचार्य र गैह्र आवासीय नेपाली संघका प्रतिनिधी रामप्रसाद बञ्जाडेले बिद्यार्थीहरुलाई सेनेटरी प्याड हस्तान्तरण गरेका हुन् । यो अभियान अन्तर्गत गढवा र राजपुर गाउँपालिकाका केहि सरकारी बिद्यालयहरुमा प्याड वितरण गर्ने कार्यक्रम रहेको संघका प्रतिनिधी बञ्जाडेले बताएका छन् । यसअघि गढवा–६ का सगरमाथा आमा समूह र हरियोसंग आमा समूहका एकसय दशजना महिलाहरुलाई सेनेटरी प्याड वितरण गरिएको थियो । यहीँ असार महिना भित्रै बिभिन्न बिद्यालयहरु छनोट गरि प्याड वितरण गर्ने कार्यक्रम रहेको पनि संघका प्रतिनीधिले जानकारी दिए ।