दाङ । एकजनाको ज्यान जानेगरी ठूलो क्षेति ब्यहोर्नु पर्यो । लमही नगरपालिका ९ स्थित तरुलिया गाउँ यतिबेला सोकमग्न बनेको छ ।
बिहिबार आगलागीबाट २ घर र १ गोठ पुर्णरुपमा सखाप हुँदा २ परिवार बिस्थापित बन्नमात्र पुगेनन् एकजना सदस्यलाई समेत गुमाउन पुगे ।नहुनु थियो,भयो तर पीडित परिवारको घाउमा मल्हम लगाउनु सबैको दायित्व हो । लमही नगरका प्रबक्ता तथा वडा नम्बर ७ का वडाध्यक्ष मोहन गिरीले शुक्रबार बिहानै अग्नि पीडित परिवालाई मल्हम लगाउन पुगे ।त्यस्तै पीडित परिवारलाई हौसला थप्दै नगद ५ हजार सहयोग समेत गरे । यस्तै उनले विभिन्न सँघसँस्था तथा पालिकासँग सहकार्य गरि राहतको अभियान चलाउने बताएका छन् ।