Rms

Jmg

mmsb

mbd

Rgs

nakb

tvs

apb

दाङ । लुम्बिनी प्रदेशका स्वास्थ्य मन्त्री दिपेन्द्र कुमार पुन सिजलले स्वास्थकाे समृद्धका लागि दक्ष जनशक्ति निर्माण गर्नु पर्ने बताएका छन् ।

मन्त्री पुनले राप्ती स्वास्थ विज्ञान प्रतिष्ठानमा स्नातकोत्तरतह अधययणरत विद्यार्थीकाे स्वागत तथा अध्ययन कार्यक्रमकाे उद्घाटन कार्यक्रममा यस्तो बिचार व्यक्त गरेका हुन् ।

मन्त्री पुनले नेपालको स्वास्थ्य क्षेत्रको समृद्धि बिना अन्य क्षेत्रको समृद्धि नहुने बताए । हरेक नेपाली नागरिकहरू स्वस्थ भयो भने देश आफै स्वस्थ हुने बताउँदै उनले राज्यले नागरिकहरूको स्वास्थ्य सेवामा लगानी गर्नुपर्ने बताए ।

आफू लुम्बिनी प्रदेश सरकारको स्वास्थ्य मन्त्री भएपछि पहिलो कार्य जनताको स्वास्थ्य नै समृद्धि बनाउने तर्फ लाग्ने बताउँदै हरेक नागरिकको स्वास्थ्य समृद्धि भयो भने मात्र नेपाल र लुम्बिनी प्रदेश समृद्ध हुने कुरामा सबैलाई ढुक्क रहन अपिल गरे । स्वास्थ्य मन्त्री पुनले आफ्नो कार्यकालसम्म सकेसम्म प्रदेशवासी नागरिकको स्वास्थ्य सुधार गर्ने बताए ।

राप्ती स्वास्थ्य विज्ञान प्रतिष्ठानका रजिस्ट्रार श्याम लम्सालले यो कार्यक्रम नयाँ भएपनि सबै विद्यार्थीलाई धैर्यतापूर्वक सिक्नका लागि अनुरोध गरेका छन् ।